اسلام آباد(مانیٹرنگ ڈیسک)نجی ٹی وی جیو نیوز کی رپورٹ کے مطابق قصور میں زیادتی کے بعد قتل ہونیوالی ننھی شہیدہ زینب کے والد محمد امین نے میڈیا سے گفتگو کرتے ہوئے کہا کہ میری بیٹی زینب بچ سکتی تھی، پولیس نے سی سی ٹی وی فوٹیج سامنے آنے کے باوجود ملزم کا سراغ لگانے میں پس و پیش اور نالائقی کا ثبوت دیا۔ پولیس کا غیر پیشہ وارانہ رویہ زینب کو موت کے قریب لے

جاتا رہا ہے اور ملزم ابھی تک قانون کی گرفت سے دور ہے۔ سی سی ٹی وی فوٹیج میں زینب کو نامعلوم مقام کی جانب جس شخص کے ساتھ جاتا دیکھا جا سکتا ہے اس سے متعلق گفتگو کرتے ہوئے زینب کے والد محمد امین نے لاعلمی کا اظہار کرتے ہوئے کہا کہ سی سی ٹی وی فوٹیج میں دیکھا جانیوالا شخص ان کیلئے اجنبی ہے ۔ محمد امین نے پولیس کے غیر پیشہ وارانہ روئیے کی شدید الفاظ میں مذمت بھی کی ہے۔

موضوعات:زینب قتل زینب والد شہیدہ زینب محمد امین