خالد بن ولیدؓ نے میدان جنگ میں خاتون سے نکاح کیا، خلیفہ ابوبکرؓ نے جواب طلبی کر لی،لوگ بھی عمران خان سے پوچھیں کہ۔۔مذہبی اسکالر کا ایسا بیان کہ کپتان کی شادی پر بولنے والوں کو چپ لگ گئی

  بدھ‬‮ 10 جنوری‬‮ 2018  |  13:31

اسلام آباد (مانیٹرنگ ڈیسک) تحریک انصاف اور عمران خان پر لبرل اور سیکولر ہونے کے الزامات لگتے رہے ہیں اور پاکستان ایک بڑا مذہبی حلقہ تحریک انصاف کے جلسوں میں ڈانس اور خواتین کی کھلے عام شرکت پر اسے ہدف تنقید بناتا رہا ہے اگر یہ کہا جائے کہ مذہبی حلقوں میں تحریک انصاف اور عمران خان کو ہمیشہ مزاحمت اور تنقید کا سامنا رہا ہےتو بے جا نہ ہو گا تاہم کچھ عرصے سےمذہبی حلقوں کی جانب سے عمران خان کو پذیرائی اور ان حلقوں میں انکی مقبولیت میں اضافہ ہو رہا ہے جس کی مثال جمعیت علمائے اسلام

(س)کے سربراہ مولانا سمیع الحق کی جانب سے تحریک انصاف کی حمایت ہے اور یہ سلسلہ تاحال رکا نہیں بلکہ عمران خان کی تیسری شادی کے حوالے سے مخالفین کی تنقید کا جواب تو عمران خان نے اپنے ایک ٹویٹ کے ذریعے دیا ہے تاہم اب عمران خان کی بشریٰ بی بی سے مبینہ شادی کے حوالے سے مذہبی حلقے بھی سامنے آنے لگ گئے ہیں۔ گزشتہ روز مفتی عبدالقوی کا بھی ایک بیان سامنے آیا ہے اور اب ایک ویڈیو جس میں مفتی طارق مسعود جو کہ ویسے تو غیر معروف ہیں تاہم ان کا ویڈیو بیان تیزی سے سوشل میڈیا پر وائرل ہو رہا ہے۔ویڈیو بیان میں مفتی طارق مسعود کا کہنا تھا کہ جو لوگ عمران خان کی تیسری شادی پر اعتراض کر رہے ہیں وہ ان سےخود پوچھیں کہ آپ کو شادی کی کیا ضرورت ہے؟ وہ خود بتا دیں گے۔انہوں نے کہا کہ جس کو ضرورت ہوتی ہے وہ خود ہی فیصلہ کرتا ہے۔ لوگوں کو ہر اچھے کام میں اعتراض ہوتا ہے ۔ انہوں نے کپتان پر تیسری شادی کے حوالے سے تنقید کرنے والوں کو حضرت خالد بن ولید ؓ کا ایک واقعہ سناتے ہوئےبتایا کہ حضرت خالد بن ولید ؓ نے میدان جنگ میں ایک خاتون سے نکاح کر لیا تو کچھ لوگ اس پر معترض ہوئے اور انہوں نے شکایتاََ خلیفہ وقت حضرت ابوبکرؓ کو خط لکھا کہ ہم یہاں جہاد میںمصروف ،دوسری جانب مسلمانوں شہید ہو رہے ہیں اور حضرت خالد بن ولید ؓشادیاں کر رہے ہیں۔جس پر حضرت ابوبکرؓ نے خالد بن ولیدؓ سے جواب طلبی کرتے ہوئے انہیں لکھ دیا اور نکاح کرنے کی وجہ دریافت کی تو اس کے جواب میںخالد بن ولید نے لکھا کہ میرے شادی نہ کرنے سے حالات بہتر ہو سکتے ہیں تو میں شادی کرنا چھوڑ دیتا ہوں اور اگر اس سےکوئی فرق نہیں پڑ سکتا تو کسی کومیرے نکاح کرنے پر اعتراض کیوں ہے ؟۔مفتی طارق مسعود کا کہنا تھا کہ اگر عمران خان سے میری ملاقات ہوتی تو میں انہیں مشورہ دیتا کہ آپ چار شادیاں کریںکیونکہ ایک صحابی حضرت عبد اللہ بن مسعود ؓنے فرمایا کہ اگر مجھے معلوم ہو جائے کہ میری زندگی کا ایک دن بھی باقی ہے تو میں وہ بھی بیوی کے بغیر نہ گزاروں۔ مفتی طارق مسعود نے عمران خان پر تیسری شادی کے حوالے سےتنقید کرنے والوں سے مخاطب ہوتے ہوئے کہا کہ عمران خان سے یہ نہیں پوچھا جانا چاہئے کہ انہوں نے شادی کیوں کی۔ بلکہ یہ پوچھا جائے کہ ابھی تک وہ بغیر شادی کےکیوں رہے۔

موضوعات:

آج کی سب سے زیادہ پڑھی جانے والی خبریں