اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے پاکستان کے سینئر و معتبر صحافی عارف نظامی نے انکشاف کیا ہے کہ بشریٰ مانیکا شرعی پردہ کرتی ہیں جس میں ان کا چہرہ اور دیگر جسم مکمل طور پر چھپا ہوتا ہے۔ ان کا کہنا تھا کہ اگر بشریٰ مانیکا عمران خان کی زوجیت میں آگئیں تو یہ جوڑا نہایت دلچسپ ہو گا ۔ ایک طرف عمران خان ہونگے جو بڑے بڑے لارڈز سے سوٹ پہن کر ملتے ہیں جبکہ خواتین کے پروگرامات اور

ان سے میل جیل بھی ان کا ہو گا جبکہ دوسری جانب بشریٰ مانیکا جو اگر ان کے ساتھ کسی دورے یا تقریب میں گئیں تو مکمل طور پر شرعی پردے میں ہونگی۔ عارف نظامی کا کہنا تھا کہ تحریک انصاف میں ایسی خواتین بھی ہیں جو خواتین کے حقوق کی علمبردار اور پردے وغیرہ کو پسند نہیں کرتیں ۔ بشریٰ مانیکا اور عمران خان کی شادی کی صورت میں دلچسپ صورتحال سامنے آئے گی مجھے یہ جوڑا نہایت عجیب لگے گا۔

موضوعات:بشریٰ مانیکا عارف نظامی عمران خان