اسلام آباد (مانیٹرنگ ڈیسک)پرنٹ، الیکٹرانک اور سوشل میڈیا پر گردش کرنے والی بشریٰ مانیکا کی تصاویر جعلی نکلیں، پاکستان کے سینئر و معتبر صحافی عارف نظامی کا بشریٰ مانیکا کی ہمشیرہ سے رابطہ، تصاویر جعلی قرار دے دیں۔ تفصیلات کے مطابق پاکستان کے سینئر و معتبر صحافی عارف نظامی نے نجی ٹی وی پروگرام میں گفتگو کرتے ہوئے انکشاف کیا ہے کہ پرنٹ، الیکٹرانک اور سوشل میڈیا پر گردش کرنے والی بشریٰ مانیکا کی تصاویر جعلی ہیں، یہ تصاویر بشریٰ مانیکا کی نہیں۔ انہوں نے

اس حوالے سے بتایا کہ ان کا رابطہ دبئی میں مقیم بشریٰ مانیکا کی ہمشیرہ مریم وٹو سے ہوا ہے اور ان کا اندازہ تھا کہ عمران خان اور مریم وٹو کی شادی کے حوالے سے معاملات آگے کو بڑھ رہے ہیں مگر جب میرا ان سے رابطہ ہوا تو مریم وٹو نے میری اس اطلاع کی تردید کرتے ہوئے کہا کہ میں اللہ کے فضل سے شادی شدہ ہوں اور خوش ہوں۔ مریم وٹو کا کہنا تھا کہ پرنٹ ، الیکٹرانک اور سوشل میڈیا پر چلنے والی بشریٰ مانیکا کی تصاویر جعلی ہیں جبکہ کسی جگہ تو میری تصاویر بھی چل رہی ہیں۔

موضوعات:بشریٰ مانیکا عارف نظامی مریم وٹو