اسلام آباد(مانیٹرنگ ڈیسک)نجی ٹی وی کیپیٹل ٹاک کی اینکر پرسن انیقہ نثار نے عمران خان کی شادی پر تبصرہ کرتے ہوئے انکشاف کیا ہے اکتوبر میں جب انہوں نے عمران خان کا انٹرویو کیا تو انہوں نے جب بشریٰ مانیکا کے حوالے سے ان سے سوال پوچھا تو عمران خان نے نہ ہی تردید کی اور نہ ہی تصدیق کی۔ انیقہ نثار نے دعویٰ کرتے ہوئے کہا کہ خاندانی ذرائع یکم جنوری کو عمران خان کی بشریٰ مانیکا سے شادی کی تصدیق کر رہےہیں مگر حیرت انگیز طور پر بشریٰ مانیکا کے بیٹے شادی کی

تردید کر رہے ہیں۔ انیقہ نثار کا کہنا تھا کہ بشریٰ مانیکا ہی وہ خاتون ہیں جنہوں نے عمران خان کو تیسری شادی کی جانب راغب کیا تھا۔ اپنے روحانی مشوروں کے دوران بشریٰ مانیکا نے عمران خان کو سیاسی اور روحانی درجات کیلئے تیسری شادی کا کہا تھا اور تیسری شادی کے حوالے سے یکم جنوری کی تاریخ دی تھی۔ انیقہ نثار کا کہنا تھا کہ کسی کو نہیں پتہ تھا کہ عمران خان کو تیسری شادی کی جانب راغب کرنے والی ان کی روحانی پیشوا بشریٰ مانیکا ہی سے ان کی تیسری شادی ہو گی۔

موضوعات:بشریٰ مانیکا عمران خان تیسری شادی