اسلام آباد(مانیٹرنگ ڈیسک)عمران خان کی اپنی روحانی رہنما بشریٰ مانیکا کے ساتھ شادی کی خبر اس وقت میڈیا کی زینت بنی ہوئی ہے جس پر سوشل میڈیا صارفین دلچسپ تبصرے کرتے نظر آرہے ہیں وہیں سیاستدان بھی کیمروں کے سامنے ہلکی پھلکی بات کر کے آگے نکل جاتے ہیں جب کہ کچھ سیاستدان اس معاملے پر تبصرہ کرنے سے گریزاں بھی نظر آتے ہیں۔ ایسا ہی کچھ سابق وزیراعظم کی صاحبزادی اور ن لیگ کی رہنما مریم نواز کے ساتھ بھی ہوا۔ مریم نواز سے جب عمران خان کی تیسری شادی سے متعلق چلنے والی خبروں

کی بابت سوال پوچھا گیا تو انہوں نے نہایت محتاط اور نپے تلے انداز میں عمران خان کی شادی پر تبصرہ کرنے سے انکار کرتے ہوئے کہا کہ یہ عمران خان کی ذاتی زندگی ہے جس پر وہ کوئی تبصرہ کرنا مناسب نہیں سمجھتیں جبکہ اس معاملے میں کسی کو کوئی بھی بات کرنے سے گریز کرنا چاہئے۔ واضح رہے کہ آج تحریک انصاف کی جانب سے جاری بیان میں عمران خان اور بشریٰ مانیکا کی شادی کے حوالے سے تو تردید کی گئی ہے تاہم اس بات کی تصدیق کی گئی ہے کہ عمران خان کی جانب سے بشریٰ مانیکا کو شادی کا پیغام بھجوایا گیا ہے۔

موضوعات:بشریٰ مانیکا عمران خان تیسری شادی مریم نواز