اسلام آباد(مانیٹرنگ ڈیسک)سپریم کورٹ نے عمران خان اور جہانگیر ترین نا اہلی کیس کا فیصلہ سناتے ہوئے عمران خان کو کلین چٹ دیتے ہوئے ن لیگ کی ان کی نا اہلی کیلئے درخواست مسترد کر دی ہے جبکہ جہانگیر خان ترین کو تاحیات نا اہل قرار دیا ہے۔ عمران خان نے سپریم کورٹ کا فیصلہ کراچی کے ایک نجی ہوٹل میں سنا جہاں وہ کراچی کی مقامی قیادت کے ساتھ ٹنڈو محمد خان جلسہ کیلئے جانے کیلئے پہنچے تھے۔ فیصلہ سننے کے بعد

عمران خان نجی ہوٹل سے ٹنڈو محمد خان کیلئے روانہ ہو گئےجہاں وہ جلسہ عام سے خطاب کرینگے۔ دوسری جانب جہانگیر ترین اسلام آباد بنی گالہ میں موجود تھے جب سپریم کورٹ نے انہیں تاحیات نا اہل قرار دیا۔ ذرائع کے مطابق جہانگیر ترین خان پہلے سے ہی اس فیصلے کی توقع کر رہے تھے تاہم  فیصلہ سنتے ہی جہانگیر خان ترین کے چہرے کا رنگ فوری طور پر تبدیل ہو گیا اور ان کے چہرے سے مایوسی کا اظہار ہو رہا تھا۔

موضوعات:جہانگیر ترین عمران خان نا اہلی کیس