ساہیوال(آن لائن)پولیس سول لائن نے ضلع کچہری سے تحریک انصاف کے صوبائی اسمبلی کے سابق امیدوار مہر نذر محمد فتیانہ ایڈوکیٹ کے قتل کا منصوبہ ناکام بنا دیا اور 2ملزموں حاصل جا وید سنپال اور محمد اسلم سنپال کو گرفتار کر لیا جبکہ 2ملزم فرار

ہونے میں کامیاب ہو گئے۔تفصیلات کے مطابق یونین کونسل کے چئیر مین مہر محمد یونس سنپال کو عر صہ 7ماہ قبل شادمان ٹاؤن میں گھر جاتے ہوئے فائرنگ کر کے قتل کر دیا گیا تھا اور اس قتل کا مقدمہ مہر نذر محمد فتیانہ اور ان کے دیگر 4رشتہ داروں کے خلاف درج کر لیا گیا تھا مہر نذر محمد کی عدالت سے حفاظتی ضمانت قبل از گرفتاری کنفرم ہو گئی جبکہ ملزم عثمان فتیانہ اور ہارون عدالت سے فرار ہو گئے تھے جس کا مقتول پارٹی کو رنج تھا اسی رنجش کی بناء پر مہر نذر محمد ایڈووکیٹ کے قتل کا منصوبہ بنایا اور ضلع کچہری میں گرفتار دونوں ملزم مہر نذر محمد ایڈوکیٹ کا تعاقب کر رہے تھے کہ وکلاء نے اس منصوبہ کو ناکام بنا دیا 2ملزم پکڑے گئے جبکہ ان کے دیگر دو ساتھی اسلحہ سمیت فرار ہو گئے۔پولیس سول لائن نے دونوں ملزموں کو گرفتار کر کے تفتیش شروع کر دی ہے۔

موضوعات:تحریک انصاف