اسلام آباد(این این آئی)وزیرخارجہ خواجہ آصف نے بھارتی ہم منصب سشما سوراج سے خط میں مطالبہ کیا ہے کہ بھارت سیز فائر کی خلاف ورزی بند کرے۔میڈیا رپورٹ کے مطابق وزیر خارجہ خواجہ آصف نے ہم منصب سشما سوراج کو ایل او سی اور ورکنگ باؤنڈری پر جنگ بندی کے معاہدے کی خلاف ورزی روکنے پر خط لکھا ہے ۔گزشتہ ہفتے لکھے گئے خط میں خواجہ آصف نے یہ بات واضح

کردی کہ پاکستان جارحیت میں پہل نہیں کرتا بلکہ جوابی کارروائی کرتا ہے ۔خط میں خواجہ آصف نے اس بات پر زور دیا کہ دونوں ممالک کو مل کر اس بربریت کا خاتمہ کرنا ہے جس سے معصوم شہریوں کی جانیں ضائع ہوتی ہیں۔وزیر خارجہ خواجہ آصف نے بتایا کہ رواں سال بھارتی فورسز کی جانب سے 1300بار جنگ بندی معاہدے کی خلاف ورزی ہوئی ہے ،جس میں 52شہری شہید اور درجنوں زخمی ہوئے ہیں ۔

موضوعات:خواجہ آصف