لکی مروت(مانیٹرنگ ڈیسک) نامعلوم افراد کی فائرنگ سے کار سوار اور راہگیر سمیت 5افراد جاں بحق ہوگئے۔بتایا گیاہے کہ لکی مروت میں موٹرسائیکل سوار مسلح افراد نے عدالت سے گھر جانے والے افراد کی گاڑی کا پیچھا کیا اور موقع ملتے ہی کار پر اندھا دھند فائرنگ کر دی جس کے نتیجے میں کار سوار 4افراد موقع پر ہی دم توڑ گئے جبکہ فائرنگ کی زد میں آکر ایک راہگیر بھی جاں بحق ہوگیا۔فائرنگ کے بعد

ملزمان باآسانی فرار ہوگئے ۔واقعہ کی اطلاع ملنے پر پولیس اور ریسکیو ٹیمیں جائے وقوعہ پر پہنچ گئیں اور لاشوں کو ایمبولینسوں کے ذریعے ہسپتال منتقل کردیا۔پولیس نے وقوعہ سے ابتدائی شواہد اکٹھے کرنے کے ساتھ ساتھ عینی شاہدین کے بیانات قلمبند کرلیے ہیں۔ پولیس کا کہنا ہے کہ مرنے والے چاروں افراد کا تعلق تحریک انصاف کی منحرف رہنماعائشہ گلالئی کے سابق سیکرٹری نور زمان کے مخالف گروپ سے ہے۔

موضوعات:عائشہ گلالئی