اسلام آباد (مانیٹرنگ ڈیسک) سینئر صحافی و اینکر پرسن محمد مالک نے نجی ٹی وی پروگرام میں گفتگو کرتے ہوئے دعویٰ کیا ہے کہ جہانگیر ترین کی نا اہلی کے حوالے سے فیصلہ آنے والا ہے اور مجھے ان کیلئے خطرے کی گھنٹیاں بجتی محسوس ہو رہی ہیں جبکہ عمران خان کیلئے خطرہ ٹل گیا ہے۔ ان کا کہنا تھا کہ جہانگیر ترین نا اہلی کیس میں ان کیلئے خطرے کی گھنٹیاں بجتی محسوس کر رہا ہے جبکہ عمران خان کے نا اہلی کیس میں بہت سی باتیں رپورٹ ہوتی ہیں جبکہ نوے فیصد باتیں رپورٹ نہیں ہوتیں مجھے ایسا لگتا ہے

کہ عمران خان کا جو خطرہ تھا وہ ٹل گیا ہے۔ لیکن جہانگیر ترین صاحب کے لیے اچھی اطلاع نہیں نظر آتی ، اگر وہ نا اہل ہو جاتے ہیں، اور ایک آدھا کسی اور سائیڈ سے نا اہل ہو جاتا ہے ، جیسے کہ شرجیل میمن جیسے لوگ تو ملک میں احتساب کا ماحول بن جائے گا جس کا اثر مثبت ہو گا۔محمد مالک نے نواز شریف کے حوالے سے بات کرتے ہوئے کہا کہ نواز شریف کو عدالت کے مزاج کا پتہ چل چکا ہے اسی لئے ان کے چہرے اور لہجے میں تلخی بڑھتی نظر آرہی ہے جبکہ سابق وزیراعظم پر مستقبل میں مزید سختی آسکتی ہے۔

موضوعات:جہانگیر ترین عمران خان محمد مالک نا اہلی کیس