اسلام آباد(مانیٹرنگ ڈیسک) کرپشن الزامات میں گرفتاری سعودی شہزادوں اور اعلیٰ حکام پر بدترین تشدد، متعدد ہسپتال داخل، 7شہزادوں سے ایک بار پھر بیعت لے کر رہا کر دیا گیا۔ تفصیلات کے مطابق سعودی عرب میں کرپشن الزامات میں گرفتاری سعودی شہزادوں اور اعلیٰ حکام پر تفتیش کے دوران بدترین تشدد کئے جانے کا انکشاف ہوا ہے۔ تشدد اس قدر بھیانک اور شدید تھا کہ ان میں سے

متعدد کو ہسپتال منتقل کرنا پڑا جہاں انہیں طبی امداد دی گئی۔ دوسری جانب سات سعودی شہزادوں سے ایک بار پھر بیعت لے کر انہیں رہا کر دیا گیا ہے۔ واضح رہے کہ چند دن قبل کرپشن الزام میں 11سعودی شہزادوں، 38وزراء اور دیگراہم لوگوں کوولی عہد محمد بن سلمان کی سربراہی میں قائم کی گئی اینٹی کرپشن کمیٹی کے حکم پر گرفتار کیا گیا تھا۔ ان شہزادوں کو ایک فائیو سٹار ہوٹل میں قید رکھا گیا تھا۔

موضوعات:تشدد سعودی شہزادے کرپشن الزام