اسلام آباد(مانیٹرنگ ڈیسک)اسحاق ڈار ایان علی کی مشکلات کم کرنے کیلئے کوشش کرتے رہے، ن لیگ کے حوالے سے آصف علی زرداری کا موقف ناقابل بیان ہے ، میں نے آصف زرداری سے ایسی باتیں کبھی نہیں

سنیں، اڈیالہ جیل میں ایان علی سے جس طرح تفتیش کی گئی ان کی جگہ کوئی اور ہوتا تو سب راز اگل دیتا، حامد میر کے انکشافات۔ تفصیلات کے مطابق معروف صحافی و تجزیہ کارحامد میر نے انکشاف کرتے ہوئے کہا ہے کہ آصف زرداری اور نواز شریف کے درمیان اختلافات شدت اختیار کر چکے ہیں۔ آصف زرداری سمجھتے ہیں کہ لیگی قیادت نے ایان علی کے معاملے کو جان بوجھ کر اچھالا اور ان کی کردار کشی کی۔ حامد میر نے انکشاف کرتےہوئے کہا کہ اسحاق ڈار کے علاوہ کسی نے بھی ایان علی کی مشکلات کو کم کرنے کے لئے کوئی کوشش نہیں کی مگر وہ انہیں بچانے میں کامیاب نہیں ہو سکے۔ حامد میر کا کہنا تھا کہ ن لیگ کے حوالے سے آصف علی زرداری کا مؤقف ناقابل بیان ہے اور میں نے زرداری صاحب سے ایسی باتیں کبھی نہیں سنیں۔ حامد میر نے مزید انکشاف کرتے ہوئے کہا کہ ایان علی مضبوط اعصاب کی مالکہ ہیں ۔ اڈیالہ جیل میں ان سے جس طرح تفتیش کی گئی ان کی جگہ کوئی اور ہوتا تو وہ سب راز اگل دیتامگر وہ ڈٹی رہیں۔

موضوعات:اسحاق ڈار آصف زرداری ایان علی حامد میر