لاہور ( این این آئی)پاکستان تحریک انصاف کی رہنما ڈاکٹر یاسمین راشد نے کہا ہے کہ سابق اور موجودہ حکمران ملک اور قوم سے مخلص نہیں ،انہیں عوام کے مسائل حل کرنے میں

کوئی دلچسپی نہیں ۔ایک بیان میں اُنہوں نے کہا کہ آصف زرداری اور نواز شریف نے صرف اقتدار میں آ کر ملک کو لوٹا ہے اسی لیے آج ملک و قوم قرضوں کی زنجیروں میں جکڑا جا چکا ہے جبکہ کرپٹ اور بددیانت ٹولہ اور انکی اولادیں عیاشیاں کر رہے ہے ، کڑا احتساب وقت کی اشد ضرورت ہے ،کرپٹ ٹولہ اور ملک ایک ساتھ مزید نہیں چل سکتے ، انہوں نے کہا کہ آزاد عدلیہ کے تاریخی فیصلوں سے عوام کا عدلیہ پر اعتماد بڑھا ہے ۔ نواز شریف کی چوری رنگے ہاتھوں پکڑی جا چکی ہے ، انہوں نے کہا کہ پاکستانی عوام کے سامنے ان کی اصلیت عیاں ہو گئی ہے ،نوا زشریف حقیقی احتساب کے خوف سے ملک میں آ نے سے ڈر رہے ہے ، یہ جتنے مرضی ہیلے بہانے کر لے کوئی انہیں این آر او نہیں ملے گا بلکہ انہیں قوم کی لوٹی ہوئی دولت کی ایک ایک پائی کا احتساب دینا ہوگا ۔

موضوعات:ڈاکٹر یاسمین راشد