لاہور( این این آئی )لاہور ہائیکورٹ کے دو رکنی ٹربیونل نے سول جج میاں خرم ریاض کو نو سال بعد سابقہ تنخواہوں اورمراعات سمیت عہدے پر بحال کرنے کے احکامات جاری کر دئیے ۔ نجی ٹی وی کے مطابق لاہو رہائیکورٹ کے جسٹس شمس محمود مرزاکی سربراہی میں دو رکنی بنچ نے سماعت کی ۔ درخواست گزار کی جانب سے موقف اپنایا گیا کہ انہیں

فیصلوں میں غلطیوں کے باعث برطرف کیا گیا ، کسی کو بھی غلطیوں کی بناء پر برخاست نہیں کیا جا سکتا ۔ استدعا ہے کہ برطرفی کے احکامات کو کالعدم قرار دے کر بحالی کے احکامات جاری کئے جائیں۔ ٹربیونل نے دونوں طرف کے دلائل سننے کے بعد سول جج میاں خرم ریاض کو سابقہ تنخواہوں اور مراعات سمیت بحالی کے احکامات جاری کر دئیے۔

موضوعات:لاہور ہائیکورٹ