اسلام آباد (مانیٹرنگ ڈیسک)پاکستان تحریک انصاف کے چیئرمین عمران خان نے کہا کہ ایک دوست کہتا ہے اگر وہ میری جگہ ہوتا تو اس کی سابقہ بیوی شریفوں سے پیسے لے کر اسے جیل میں ڈلوا دیتی، تفصیلات کے مطابق تحریک انصاف کے چیئرمین عمران خان ہمیشہ سیاسی جلسوں میں مخالفین کے خلاف برستے رہتے ہیں

مگر انہوں نے ٹوئٹ کیا ہے جس سے ان کی حس مزاح بھی واضح ہوتی ہے، اس ٹوئٹ میں ایک طرف انہوں نے جمائما کا شکریہ ادا کیا ہے اور دوسری طرف ریحام خان پر ڈھکے چھپے الفاظ میں طنز بھی کیا گیا ہے۔ اس ٹوئٹ میں عمران خان نے کہا کہ ہلکے پھلکے انداز میں ایک دوست کہتا ہے اگر وہ میری جگہ ہوتا، تو اس کی سابقہ بیوی شریفوں سے پیسے لے کر اسے جیل میں ڈلوا چکی ہوتی،اس ٹوئٹ کو سماجی رابطے کی ویب سائٹ استعمال کرنے والے صارفین نے بہت پسند کیا اور انہوں نے ایک طرف جمائمہ کا شکریہ ادا کیا تو دوسری طرف ریحام خان کو آڑے ہاتھوں لے لیا۔ ایک صارف عمران لالیکا نے لکھا کہ چیتا چھا گیا، ٹوئٹر صارف سید فیاض علی نے لکھا کہ ہر عورت ریحام خان نہیں ہوتی کچھ عورتیں جمائمہ جیسی بھی ہوتی ہیں، اجنبی لڑکی کے نام سے صارف نے لکھا کہ اس دوست نے ریحام خان کی مثال دی ہو گی لیکن جمائمہ خان سب سے الگ ہیں، انہوں نے جو کیا اس کی مثال کہیں نہیں ملتی، سلام ہے جمائمہ خان کو۔ ایک اور صارف نیبل چوہدری نے اپنے ٹوئٹ میں لکھا کہ جمائمہ بنو ریحام مت بنو۔

موضوعات:عمران خان