اسلام آباد(مانیٹرنگ ڈیسک)کنونشن سینٹر اسلام آباد میں مسلم لیگ ن کے جنرل کونسل اجلاس میں نواز شریف کے پارٹی صدر منتخب ہونے پر ردعمل دیتے ہوئے تحریک انصاف کے مرکزی ترجمان بیرسٹر فواد چوہدری کا کہنا تھا کہ نواز شریف کی سیاست کا باب ختم ہو چکا ہے۔ عددی اکثریت کے بل بوتے پر قانون سازی سے بھی نواز شریف کی قانونی حیثیت تبدیل نہیں ہو گی

وہ نا اہل وزیراعظم ہیں اور رہیں گے، انہوں نے نواز شریف کے ن لیگ کے پارٹی صدر منتخب ہونے پر بھی تنقیدکرتے ہوئے انتخابی اصلاحات بل میں ترمیم کے خَلاف تحریک انصاف کے سڑکوں پر آنے کا اعلان بھی کیا۔پریس کانفرنس سے خطاب کرتے ہوئے فواد چوہدری کا کہنا تھا کہ آج ایک بار پھر نواز شریف نے اپنی کنونشن سینٹر میں تقریر کے دوران پاک فوج ، پاکستان کے اداروں کو تنقید کا نشانہ بنایا جس کیی تحریک انصاف شدید الفاظ میں مذمت کرتی ہے۔ ہم سب نے دیکھا کہ کس طرح 500چوروں نے مل کر علی بابا کو اپنا سردار بنایا، انہوں نے کنونشن سینٹر میں مسلم لیگ ن کے جنرل کونسل اجلاس کو چوروں کا اجتماع قرار دیا۔ انہوں نے کا کہ پاکستان کے ٹیکس کنند گان کے پیسوں پر یہ محفل سجائی گئی تھی، اور ٹیکس کنندگان کے پیسے کھانے والے کو اپنا سربراہ مقرر کر لیا گیا، فواد چوہدری نے دعویٰ کرتے ہوئے کہا کہ مسلم لیگ ن میں اختلافات کھل کر سامنے آگئے ہیں، شہباز شریف کا پارٹی میں راستہ روکنے کیلئے مسلم لیگ نے قانون تبدیل کیاتاکہ وہ ن لیگ کے صدر نہ بن سکیں۔ ملک کی موجودہ صورتحال میں نئے انتخابات ناگزیر ہو چکے ہیں۔ انہوں نے نواز شریف کو مخاطب کرتے ہوئے کہا کہ آپ اپنی پارٹی کو تو اپنے اشاروں پر چلا سکتے ہیں مگر پاکستان کے کروڑوں عوام کو اپنے اشاروں پر نہیں چلا سکتے،

موضوعات:فواد چوہدری