’’کلثوم نواز کی طبیعت‘‘ منتقل کر دیا گیا

30  ستمبر‬‮  2017

لندن (مانیٹرنگ ڈیسک)سابق وزیر اعظم میاں نواز شریف کی اہلیہ بیگم کلثوم نواز کی طبیعت بہتر ہونے لگی جس کے بعد ڈاکٹروں کی اجازت سے انہیں ہسپتال سے گھر منتقل کر دیا گیا ہے جہاں ان کا علاج جاری رہے گا۔تفصیلات کے مطابق برطانیہ کے دارالحکومیں سابق وزیر اعظم کی اہلیہ کلثوم نواز کا علاج جاری ہے، تاہم دو روزقبل انہیں اچانک طبیعت خراب ہونے کی وجہ سے اسپتال میں داخل کیا گیا تھا۔قومی اسمبلی کی نو منتخب

رکن اسمبلی بیگم کلثوم نواز گلے میں کینسر کے علاج کےسلسلے میں لندن میں مقیم ہیں، جہاں ان کی علاج کے سلسلے میں 3سرجریز ہو چکی ہیں۔بیگم کلثوم نواز لندن میں اپنے صاحبزادے کے گھر رہائش پذیر ہیں، جبکہ ان کی صاحبزادی مریم نواز بھی ان کی تیمارداری کے لیے ان کے ساتھ مقیم ہیں۔ سابق وزیر اعظم میاں نواز شریف جو آج کل وطن میں ہیں ان کے بھی اپنی اہلیہ کی ناساز طبیعت کی وجہ سے عنقریب لندن جانے کی اطلاعات سرگرم ہیں۔دوسری جانب پاکستان مسلم لیگ (ن) نے سابق وزیر اعظم نواز شریف کو باضابطہ طور پر دوبارہ پارٹی کا صدر منتخب کرنے کے لیے 2 اور 3 اکتوبر کو پارٹی کی جنرل کونسل کا اجلاس بلا لیا۔ مسلم لیگ (ن) کے مرکزی سیکریٹری جنرل مشاہد اللہ خان کا کہنا ہے کہ میاں نواز شریف پارٹی کے دوبارہ صدر منتخب ہونے تک لندن روانہ نہیں ہوں گے۔ان کا مزید کہنا تھا کہ پاکستان مسلم لیگ (ن) کی مرکزی مجلس عاملہ اور جنرل کونسل کے علیحدہ علیحدہ اجلاس بلائے گئے ہیں جن میں پارٹی قیادت کو منتخب کرنے کے لیے 1600 اراکین حق رائے دہی استعمال کریں گے۔ اس سے قبل یہ افواہیں گردش کر رہی تھیں کہ نواز شریف اپنی اہلیہ کلثوم نواز کی عیادت کے لیے جمعرات (28 ستمبر) کو لندن واپس روانہ ہو جائیں گے جو اس وقت کینسر کے علاج لیے لندن کے ایک نجی ہسپتال میں داخل ہیں۔ تاہم بیگم کلثوم نواز کی حالت اب بہتر ہے اور انہیں

ہسپتال سے ڈسچارج کر دیا گیا ہے۔مشاہد اللہ خان کا کہنا ہے کہ بیگم کلثوم نواز کی حالت بہتر ہونے کے بعد اب میاں نواز شریف 3 اکتوبر سے قبل لندن روانہ نہیں ہوں گے۔ انہوں نے بتایا کہ 2 اکتوبر کو اسلام آباد کنونشن سینٹر میں پارٹی کی جنرل کونسل کا اجلاس منعقد کیا جائے گا جبکہ اس سے قبل پارٹی کی پارٹی آئین میں تبدیلی کے لیے مرکزی مجلس عاملہ کا اجلاس منعقد کیا جائے گا۔ان کا مزید کہنا تھا کہ پارٹی کی جنرل کونسل کے

اجلاس کا دوسرا سیشن 3 اکتوبر کو منعقد کیا جائے گا جس میں پارٹی کے صدر کا انتخاب کیا جائے گا۔ مشاہد اللہ خان نے بتایا کہ نواز شریف کو پارٹی کی صدارت سے روکنے والے تمام عوامل کو ختم کر دیا جائے گا اور وہ 3 اکتوبر دوبارہ پارٹی کے صدر منتخب ہو جائیں گے۔ادھر الیکشن بل کی منظوری کے لئے قومی اسمبلی کا اجلاس 4 کے بجائے 2 اکتوبر کو طلب کر لیا گیا جہاں بل کی منظوری کے بعد اسی دن صدر ممنون حسین بل پر دستخط کریں گے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…