اسلام آباد (این این آئی)عوامی مسلم لیگ کے سربراہ شیخ رشید احمد نے کہا ہے کہ اپوزیشن لیڈر کے معاملے پر ابھی حتمی فیصلہ نہیں ہوا اور ممکن ہے خورشید شاہ سے معاملات طے پاجائیں گے۔عوامی مسلم لیگ کے سربراہ شیخ رشید نے کہا کہ اقامے پرچورمچائے شوروالا معاملہ چل رہا ہے اور ملک میں چور مچائے شور کی فلم لگی ہوئی ہے ٗ معلوم کریں کتنے لوگوں نے اقامے پرسرینڈرکیا ٗامیگریشن میں اقامہ واپس لینے والوں کی لائن لگی ہوئی ہے۔

شیخ رشید نے کہا کہ اسحاق ڈار اپنے بیان پرقائم رہے تو نواز شریف اور قائم نہیں رہے تو خود پھنسیں گے، اگر احتساب عدالت میں پیش نہ ہوتے تو ان کی جائیداد قرق ہوجاتی۔انہوں نے کہا کہ میں اپوزیشن لیڈر نہیں بننا چاہتا ٗ لیڈر آف دی اپوزیشن کا حتمی فیصلہ ابھی نہیں ہوا ٗ ممکن ہے خورشید شاہ سے تمام معاملات طے پاجائیں گے جبکہ ابھی اس معاملے کو سیریس گیم نہیں سمجھتا تاہم کسی کو غلط فہمی نہیں ہونی چاہیے اپوزیشن میں پی ٹی آئی،ایم کیو ایم کے ووٹ زیادہ ہیں۔عوامی مسلم لیگ کے سربراہ نے کہاکہ چوروں کے کہنے پر نیب کا چیرمین نہیں لگے گا ٗ آئندہ تین ماہ بہت اہم ہیں اس میں ساری سیٹلمنٹ ہوجائے گی۔شیخ رشید احمد نے کہا کہ خورشید شاہ نے وہی کہنا ہے جو زرداری کہیں گے اور مولانا فضل الرحمان کا مقصد اسلام نہیں اسلام آباد ہے ٗان کی علماء کی فہرست میں بڑی تذلیل ہوچکی ہے ٗمولانا فضل الرحمان اپوزیشن میں نہیں آسکتے، اتنی بڑی غلطی وہ نہیں کرسکتے۔انہوں نے کہا کہ اگر یہ الیکشن کمیشن ٗنیب اور عبوری حکومت ہو تو لکھ کر دیتا ہوں انتخابات نہیں ہوں گے ٗآزاد اور غیرجانبدار عبوری حکومت آنے تک عام انتخابات نہیں ہوسکتے۔شیخ رشید نے کہا کہ پنجاب میں مستقبل کا الیکشن (ن) لیگ اور تحریک انصاف کے درمیان ہے جبکہ تحریک انصاف عمران خان کا نام ہے باقی کسی کا نام نہیں۔

موضوعات:شیخ رشید