اسلام آباد(مانیٹرنگ ڈیسک)نجی ٹی وی پروگرام میں معروف سینئر صحافی نصرت جاوید نے گفتگو کرتے ہوئے انکشاف کیا ہے کہ جی ٹی روڈ ریلی کے بعد جب نواز شریف رائیونڈ جاتی امرا اپنے گھر پہنچے تو وہاں ان کی جب اپنی والدہ سے ملاقات ہوئی تو وہ انتہائی جذباتی کیفیت

میں تھیں اور انہوں نے انہیں بہت برا بھلا کہا اور کہا کہ کیا تم نے ہمیں یہ دن دکھانا تھا۔ نصرت جاوید کا کہنا تھا کہ نواز شریف کے والد میاں شریف لاہور میں کیلیاں والی سڑک جس کا اب نام برانتھر روڈ ہے وہاں دو گلیاں ہوا کرتی تھیںجو کہ پورش قسم کی تھیں ، ایک گلی کا نام رام گلی 1اور دوسری کا نام رام گلی 2تھا۔وہاں مسلمان بھی مقیم تھے۔ اس زمانے میں کیونکہ بینکنگ کا نظام نہیں تھا تو لوگ اپنی بچیوں کے زیورات اور قیمتی اشیا میاں شریف کے پاس امانتاََ رکھوا دیا کرتے تھے۔ میاں شریف کی لاہور شہر میں نیک نامی تھی اور اس شخص کا بیٹا تین مرتبہ وزیراعظم بن کر نکالا جائے اور گارڈ فادر کا لقب لے کر جائے تو اس پر ان کی والدہ نے پھر اپنا ردعمل دیا۔ سینئر صحافی کا کہنا تھا کہ نواز شریف کیونکہ واپنی والدہ سے بے پناہ عقیدت اور محبت رکھتے ہیں تو وہ سر جھکا کر اپنی والدہ کی بات سنتے رہے اور جب وہ جذباتی کیفیت میں بکھر گئیں تو یہ ان کے پاس گئے اور ایک فلمی بات کرتے ہوئے کہا کہ ’’میں آپ کو شرمندہ نہیں ہونے دوں گا‘‘۔نصرت جاوید نے مزید کیا کہا۔۔ویڈیو ملاحظہ کریں!

موضوعات:جی ٹی روڈ ریلی میاں شریف نصرت جاوید نواز شریف