اسلام آباد (مانیٹرنگ ڈیسک) سابق وزیراعظم میاں محمد نواز شریف نے نیوز کانفرنس کی جس میں ن لیگ کے تمام اہم رہنما موجود تھے، اس نیوز کانفرنس میں سابق وزیر داخلہ چودھری نثار نے بھی شرکت کی، میاں محمد نواز شریف کی نیوز کانفرنس کے بعد صحافیوں نے چودھری نثار علی خان کے ساتھ سیلفیاں بنائیں۔ سابق وزیراعظم میاں محمد نواز شریف کے نیوز کانفرنس کرکے جانے کے بعد چودھری نثار کو تنہا پا

کر صحافیوں نے ان کے ساتھ سیلفیاں بنائیں۔ کچھ صحافیوں نے انہیں کریدتے ہوئے سوالات بھی کیے لیکن سابق وزیر داخلہ چودھری نثار علی خان جو بہت ہی خوشگوار موڈ میں تھے، صحافیوں کے سوالوں کا جواب دینے کی بجائے ان کے حصار سے نکلنے کی کوشش میں مصروف نظر آئے۔ جب ان سے سوال کیا گیا کہ آپ اب پارٹی میں فعال کردار ادا کریں گے تو جواب میں چودھری نثار نے کہا کہ دیکھئے آگے کیا ہوتا ہے۔

موضوعات:چودھری نثار