اسلام آباد(مانیٹرنگ ڈیسک) تحریک انصاف جہلم کی مقامی قیادت دھڑوں میں تقسیم، عمران خان ایک ہی شہر میں دو جلسوں سے خطاب کرینگے۔ تفصیلات کے مطابق تحریک انصاف میں دراڑوں کی خبریں تو کئی دنوں سے آرہی تھیں تاہم عمران خان کے دینہ میں جلسوں نے اس خبر کو تقویت دے دی ہے۔ عمران خان کے پہلے جلسہ کیلئے پنڈال ہاکی گرائونڈ دینہ جبکہ دوسرا پنڈال چند کلومیٹر کے فاصلے پر لدھڑ میں سجایا جا رہا ہے۔ عمران خان بذریعہ ہیلی کاپٹر

لدھڑ پہنچیں گے جہاں ان کا استقبال تحریک انصاف کے مرکزی ترجمان فواد چوہدری کریں گے۔ لدھڑ میں سابق گورنر پنجاب کے صاحبزادے اور سابق ضلع ناظم چوہدری فرخ الطاف تحریک انصاف میں شمولیت کا علان کرینگے، لدھڑ میں طعام کے بعد عمران خان جلسہ سے خطاب کرینگے جبکہ اس کے بعد چند کلومیٹر دور ہاکی گرائونڈ دینہ میں بھی کھلاڑیوں سے خطاب کرینگے جہاں جلسہ کا انتظام تحریک انصاف کے رہنما چوہدری ثقلین نے کر رکھا ہے۔

موضوعات:تحریک انصاف جہلم جلسہ چوہدری ثقلین چوہدری فرخ الطاف دینہ ہاکی گرائونڈ فواد چوہدری لدھڑ