تاریخ میں پہلی بار امریکی کانگریس، وائٹ ہاؤس، محکمہ خارجہ اور پینٹاگون ایک صفحے پر، شاہ محمود قریشی نے وزیر خارجہ کو کیا مشورہ دیدیا؟

24  اگست‬‮  2017

اسلام آباد(آئی این پی)پاکستان تحریک انصاف کے وائس چیئرمین شاہ محمود قریشی نے کہا ہے کہ وزیرخارجہ خواجہ آصف نے امریکہ کے دورے کو موخر کر کے اچھا فیصلہ کیا ہے انہیں فوری طور پر چین ، روس اور ایران کے دورے کرنے چاہئیں ، ہمیں امریکہ سے لڑنا ہے نہ ان کے آگے لیٹنا ہے ، تاریخ میں پہلی بار امریکی کانگریس ، وائٹ ہاؤس ، سٹیٹ ڈیپارٹمنٹ اور پینٹاگون ایک صفحے پر آگئے مگر امریکہ کو بہت جلد اپنی غلطی کا احساس ہو جائے گا ۔

وہ جمعرات کو نجی ٹی وی پروگرام میں گفتگو کر رہے تھے ۔ شاہ محمود قریشی نے کہا کہ پہلی مرتبہ امریکی کانگریس ، وائٹ ہاؤس ، سٹیٹ ڈیپارٹمنٹ اور پینٹاگون سب ایک صفحے پر ہوگئے ہیں ،یہ حقیقت پسندانہ فیصلہ نہیں ہے ، امریکہ کو بہت جلد احساس ہو جائے گا کہ وہ غلطی کر رہا ہے ، حامد کرزئی اور چین نے امریکہ کے موقف کی مخالفت کی ہے ۔انہوں نے کہا کہ میں سمجھتا ہوں کہ خواجہ آصف نے اپنے دورہ امریکہ کو موخر کرنے کا اچھا فیصلہ کیا ہے کیونکہ فی الفور آپ کو وہاں سے کچھ حاصل نہیں ہوگا ، امریکہ جو کہنا چاہ رہا تھا وہ کہہ چکا ہے ۔ خواجہ آصف کو بیجنگ جاناچاہیے کیونکہ چین نے ہمارے لئے بہت بڑا اور مثبت سٹینڈ لیا ہے ، وزیرخارجہ کو ماسکو بھی جانا چاہیے کیونکہ روس کی پالیسی میں بھی بہت بڑی تبدیلی آئی ہے ، ممالک میں نئی اتحادی صف بندیاں ہورہی ہیں ، جیسے بھارت اور امریکہ ایک دوسرے کی گود میں بیٹھ رہے ہیں ویسے ہی روس پاکستان کے قریب آنے کا اشارہ دے رہا ہے ۔شاہ محمود قریشی نے کہا کہ روس افغانستان کو سمجھتا ہے کیونکہ وہ وہاں کے کلچر ، قبائل ، لڑائی اور جیوگرافی کو سمجھتا ہے ، میری خواجہ آصف سے درخواست ہوگی کہ انہیں ایران بھی جانا چاہیے کیونکہ ایران کا بارڈر افغانستان اور پاکستان دونوں ملکوں کیساتھ لگتا ہے اور طالبان کے بارے میں انکی بڑی واضح رائے ہے ۔انہوں نے کہا کہ امریکہ سے ہمیں لڑنا ہے نہ ہی ان کے سامنے لیٹنا ہے ۔ ****

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…