اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار اوریا مقبول جان نے کہا ہے کہ پنجاب میں حکومت برسوں سے مسلم لیگ (ن) کی ہے اور ایک طویل عرصے سے پنجاب میں ان کی حکومت کا سورج غروب نہیں ہوا، شریف برادران پنجاب میں مستقل طور پر حکمران رہے ہیں، شہباز شریف کا ٹولہ ہمیشہ ہی پنجاب کا حاکم رہا بے شک اس پر کبھی پرویز الٰہی آ کر بیٹھ جاتا تھا یا کبھی کوئی اور، اس ٹولے نے کبھی عوام تک ثمرات پہنچنے ہی نہیں دیئے گئے۔

نواز شریف صرف انصاف کو یہ سمجھتے ہیں کہ کسی طرح انہیں بچ نکلنے کا راستہ مل جائے، نا اہلی کے بعد اب انہیں انصاف یاد آ رہا ہے۔ نواز شریف یہ سمجھتے ہیں کہ وہ جب تک پاکستان کی عدالتوں کو لوگوں کی نظروں میں نہیں گرائیں گے تو ان کا کیس مضبوط نہیں ہوگا، اسی لئے وہ آج کل انصاف کی بات کرتے ہیں، اگر نواز شریف کی یہ منطق مان لی جائے کہ پاکستان کے تمام جج غلط فیصلے کرتے ہیں تو پاکستان کی تمام جیلوں کے دروازے کھول کر سب قاتلوں کو رہا کر دینا چاہئے۔

موضوعات:سپریم کورٹ نواز شریف