اسلام آباد(مانیٹرنگ ڈیسک)پاکستان، سعودی عرب اور ترکی کی فضائیہ نے اسلام آباد میں فضائی کرتب کی ریہرسل کی۔جدید جنگی جہازوں کی گھن گرج نے شہر اقتدار کی فضاوں کو دہلا دیا ، یوم آزادی کی مناسبت سے اسلام آباد میں ایئر شو کی ریہرسل کی گئی،جس میں پاک فضائیہ، سعودی فضائیہ اور ترک فضائیہ کے

جدید جنگی جہازوں نے حصہ لیا۔ فضا میں بل کھاتے ،مختلف فارمیشنز بناتے اور رنگوں کی صورت میں اپنی گزرگاہ کے نشان چھوڑتے طیارے جدھر سے گزر گئے، شہریوں کا لہو گرما گئے۔ پیرا شوٹرزنے اپنے فن کا مظاہرہ کیا،تینوں برادر اسلامی ممالک کے پائلٹ کل 14اگست کو جڑواں شہروں میں فضائی کرتب دکھاکر اپنی مہارت کا مظاہرہ کریں گے۔

موضوعات:پاک فضائیہ