اسلام آباد (مانیٹرنگ ڈیسک) قومی اسمبلی اجلاس میں ہنگامہ آرائی ، شیخ رشید نے تقریر میں مریم نواز کا نام لیا تو کیپٹن صفدر غصے میں آ گئے، سیٹ پر کھڑے ہو کر شیخ رشید کو کھری کھری سنا دیں۔عابد شیر علی اور کچھ ارکان شیخ رشید کی طرف بڑھنے لگے تو تحریک انصاف کے مراد سعید بھی میدان میں کود پڑے۔ دیگر ارکان نے مداخلت کر کے دونوں کو روکا مریم بی بی میری بیٹی، سگی بہن کی طرح ہیں، ان کے بارے میں غلط نہیں

کہہ سکتا، شیخ رشید کی وضاحت۔بعد ازاں پارلیمنٹ کے باہر نون لیگ کے کارکنوں نے شیخ رشید کو گھیر لیا۔ شیخ رشید کے خلاف شدید نعرے بازی بھی کی گئی۔ پارلیمنٹ کے سکیورٹی سٹاف نے شیخ رشید کو کارکنوں سے بچایا۔ سکیورٹی اہلکاروں نے کارکنوں کے چنگل سے نکال کر ایک پرائیویٹ گاڑی میں شیخ رشید کو وہاں سے نکالا۔شیخ رشید کا اس موقع پر میڈیا سے گفتگو کرتے ہوئے کہنا تھا کہ اگر میں مارا گیا تو نواز شریف اس کا ذمہ دار ہوگا۔

موضوعات:شیخ رشید