وزیر خزانہ اسحاق ڈار اور چوہدری نثار کے درمیان ملاقات، اندر کی کہانی منظر عام پر

25  جولائی  2017

اسلام آباد (مانیٹرنگ ڈیسک) نجی ٹی وی چینل ’دنیا نیوز‘ کی رپورٹ کے مطابق وفاقی وزیر خزانہ سینیٹر اسحاق ڈار نے وفاقی وزیر داخلہ چوہدری نثار سے ملاقات کر کے انہیں وزیراعظم نواز شریف کا پیغام پہنچایا ہے اور یقین دہانی کرائی ہے کہ ان کے تحفظات دور کئے جائیں گے وہ موجودہ صورت حال میں پریس کانفرنس کر کے ایسا تاثر نہ دیں جس سے ظاہر ہوکہ حکومتی وزراء میں اختلافات ہیں

اور آپ وزیراعظم سے ناراض ہیں۔رپورٹ کے مطابق ذرائع سے معلوم ہوا ہے کہ وزیر خزانہ اسحاق ڈار نے گزشتہ روز چوہدری نثار سے پنجاب ہاؤس میں طویل ملاقات کی، اس موقع پر وزیر داخلہ نے اسحاق ڈار کو اپنے تحفظات،گلے شکوئوں سے آگاہ کیا اور یقین دہانی کرائی کہ وہ وزیراعظم نواز شریف اور پارٹی کے ساتھ ہیں انہیں چھوڑ کر کہیں نہیں جا رہے، لیکن میرے خلاف ایک خاص ماحول بنایا گیا وزیراعظم کے میرے خلاف کان بھرے گئے مجھ سے بات کئے بغیر میرے متعلق باتوں پر وزیراعظم نے یقین کیا، جس کا مجھے افسوس ہے۔ وزیراعظم اور میرے درمیان فاصلے پیدا کرنے کے لئے باقاعدہ مہم چلائی گئی جس میں وزراء اور وزیراعظم کے قریبی رفقا شامل تھے، یہ سلسلہ کئی سال تک چلتا رہا جس کا نوٹس نہیں لیا گیا اور نوبت یہاں تک پہنچی، اس صورتحال کا ذمہ دار کون ہے، آپ خود فیصلہ کر لیں۔رپورٹ کے مطابق اسحاق ڈار کے چوہدری نثار کے ساتھ دوستانہ اور ذاتی تعلقات ہیں، اس لئے انہیں راضی کرنے کے لئے بھیجا گیا تھا، وزیر خزانہ اسحاق ڈار نے بھی گلہ کیا کہ انہیں کابینہ اجلاس میں یہ باتیں نہیں کہنی چاہئیں تھیں وزیراعظم نے اس کا برا منایا ہے، ملاقات مثبت رہی اور اسحاق ڈار وزیرداخلہ کو اس حد تک منانے میں کامیاب رہے کہ وہ پریس کانفرنس میں کوئی ایسی بات نہیں کریں گے جس سے پارٹی پر منفی اثرات پڑیں یا سیاسی مخالفین کو باتیں کرنے کا موقع ملا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…