اسلام آباد(مانیٹرنگ ڈیسک) پاناما عمل درآمد کیس کے ممکنہ فیصلے سے متعلق مشاورت پی ٹی آئی چیئرمین عمران خان نےپارٹی اجلاس آج بنی گالا طلب کرلیا۔تفصیلات کے مطابق پانامہ عملدرآمد کیس کے ممکنہ فیصلے سے متعلق مشاورت کیلئے پی ٹی آئی چیئرمین عمران خان کی جانب سے بنی گالا میں ان کی رہائش گاہ میں آج پارٹی اجلاس طلب کر لیا گیا ہے۔طلب کیے گئے اجلاس میں

پاکستان تحریک انصاف کی سینیر قیادت شریک ہوگی۔ اجلاس میں عمران خان نااہلی کیس پر مشاورت کے ساتھ ساتھ تحریک انصاف کی لیگل ٹیم سپریم کورٹ میں عمران خان نااہلی کیس سے متعلق بریفنگ بھی دے گی۔ اجلاس میں تحریک انصاف میں شمولیت کے خواہشمند افراد کے ناموں کی بھی منظوری دی جائے گی۔ذرائع نے بتایا کہ اجلاس کے بعد عمران خان کی میڈیا سے گفت گو بھی متوقع ہے۔

موضوعات:بنی گالا پارٹی اجلاس عمران خان