اسلام آباد (این این آئی)عوامی مسلم لیگ کے سربراہ شیخ رشید نے کہاہے کہ وزیراعظم کو ڈٹ جانے کا مشورہ دینا نواز شریف کی سیاسی قبر کھودنا ہے۔سپریم کورٹ کے باہر پاناما جے آئی ٹی کیس کی تیسری سماعت سے قبل میڈیا سے بات کرتے ہوئے شیخ رشید احمد نے کہاکہ خواجہ حارث نے سماعت میں تسلیم کیا کہ وزیراعظم نے دبئی کا اقامہ لیا ہے۔شیخ رشید نے کہا کہ خواجہ حارث کی اس دلیل کے بعد گیم اوور ہوگیا ہے اور اب عدالت سے باہر محاذ آرائی ختم کی جائے۔

انہوں نے کہاکہ سماعت میں بھی ججوں نے کہا کہ منی ٹریل ہے تو لے آؤ انہوں نے الزام عائد کیا کہ جے آئی ٹی کو گالیاں دینے والے سپریم کورٹ کو گالیاں نکال رہے ہیں۔عوامی مسلم لیگ کے سربراہ کا کہنا تھا کہ وزیراعظم کے پاس استعفے کے سوا کوئی آپشن نہیں بچا ہے ۔انوازشریف صاحب ڈٹنے کی باتیں چھوڑ دو آپ نااہل بھی ہوں گے اورجیل بھی جائیں گے

موضوعات:سیاسی قبر شیخ رشید نواز شریف