وزیرا عظم نواز شریف اور مولانا فضل الرحمن کس چیزمیں بزنس پارٹنر ہیں؟اہم سیاسی رہنما کے حیرت انگیزانکشافات

12  جولائی  2017

اسلام آباد (این این آئی)پاکستان تحریک انصاف کے رہنمافواد چوہدری نے وزیرا عظم نواز شریف اور مولانا فضل الرحمن پر بزنس پارٹنر ہونے کا الزام عائدکرتے ہوئے کہا ہے کہ دونوں رہنما بیرون ملک میں آف شور کمپنی میں شراکت دار ہیں ٗ مولانا فضل الرحمان کی پارٹی اور مدارس بیرو ن ملک سے امداد لیتے ہیں ٗالیکشن کمیشن کو تحریک انصاف کے اثاثوں کی فکر ہے ٗ مسلم لیگ(ن)کی فنڈنگ کا نوٹس کون اورکب لے گا۔

بدھ کو پریس کانفرنس سے خطاب کرتے ہوئے فواد چوہدری نے کہا کہ ہمیں معلوم ہوا ہے کہ نواز شریف کی آف شور کمپنی میں فضل الرحمان حصہ دار ہیں کیونکہ مولانا فضل الرحمن کی پارٹی اور مدارس کو لیبیا سمیت دیگر ممالک سے امداد آتی ہے اور ان کے مدارس کا افتتاح کرنل قذافی کا بیٹا کر چکا ہے انہوں نے مولانا فضل الرحمان کو تنقید کا نشانہ بناتے ہوئے کہا کہ فضل الرحمان نے دھرنے کے دوران آئی ایس آئی کے چیف کو تنقید کا نشانہ بنایا تو آگے سے ان کو چیف نے کہا کہ آپ کے فنڈز کی تفصیلات کھول دینگے تو فضل الرحمان فوری طور پر سکون کے ساتھ خاموش ہو گئے تھے ۔انہوں نے الزام لگایا کہ مسلم لیگ(ن) نے آئی ایس آئی اور اسامہ بن لادن سے فنڈنگ لی دیگر سیاسی جماعتوں کی فنڈنگ پر کوئی انگلی نہیں اٹھا رہا مگر الیکشن کمیشن کو پی ٹی آئی کی فکر کیوں ہے؟ن لیگ نے 2013 الیکشن میں ایک ارب 20کروڑ58لاکھ 84ہزار800روپے کی انتخابی مہم چلائی ۔ان کے پاس یہ فنڈز کہاں سے آئے؟ ہمیں تو اوورسیز پاکستانی فنڈز دیتے ہیں،( ن) لیگ کا پورے ملک میں اپنا آفس تک نہیں ۔ شریف خاندان کے کالے دھن کوتحفظ دینے کیلئے( ن) لیگ کواستعمال کیاجارہاہے۔انہوں نے کہاکہ جے آئی ٹی نے انکشاف کیا ہے کہ 10 کروڑ نواز شریف نے پارٹی کو دیئے ٗ بعد میں 6 کروڑ واپس لے لئے لیکن ان ٹرانزیکشنز کی اکاؤنٹس میں تفصیل نہیں۔ فواد چودھری نے کہا کہ پنجاب میں (ن )لیگ کے پارٹی فنڈز کہاں سے آئے؟

کوئی تفصیل موجود نہیں ٗ 2013ء سے 2015ء تک (ن) لیگ کا ایک روپیہ خرچ نہیں ہوا! فواد چودھری نے کہا کہ پی ٹی آئی کی فنڈنگ تو سب کے سامنے ہے، مسلم لیگ ن کی فنڈنگ کا نوٹس کون اور کب لے گا؟اس موقع پر مراد سعید نے کہاکہ مولانا فضل الرحمان جے آئی ٹی کو سازش کہہ رہے ہیں، مولانا صاحب! آپ کو وکی لیکس یاد ہے؟

وکی لیکس کے مطابق مولانا فضل الرحمان نے امریکیوں سے کہا تھا کہ مجھے خدمت کا موقع دیں۔ مراد سعید نے مطالبہ کیا کہ جعلی ڈاکومنٹس ملنے کے بعد نواز شریف اور ان کے خاندان کا نام ای سی ایل میں ڈالے جائیں۔انہوں نے کہاکہ نواز شریف نے تواسامہ بن لادن کو بھی نہیں چھوڑاس سے بھی پیسے لے لئے اور آج ان کو جاوید ہاشمی کے سہارے کی ضرورت پڑگئی ہے لیکن جاوید ہاشمی نے پریس کانفرنس میں آئین پاکستا ن پر حملہ کیا ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…