پشاور (آن لائن)فیس بک خواتین کے لئے وبال جان بن گیا ہے۔ سوشل میڈیا کے بڑھتے ہو ئے استعمال نے شہریوں کی زندگی برباد کردی ہے جس کے باعث سائبر کرائم میں گزشتہ دو سال کے دوران خطرناک حد تک اضافہ ہو گیا ہے گزشتہ چھ ماہ کے عرصے میں سوشل میڈیا پرخواتین کوبلیک میلنگ جیسے جرائم میں سو فیصد سے زائد اضافہ ہو چکا ہے ۔ نیا سائبر کرائم ایکٹ نافذ العمل ہونے کے باوجود سوشل میڈیا کے جرائم میں کمی نہیں آ سکی

۔ اور فیس بک کے ذریعے خواتین کو حراساں کرنے سے متعلق روزانہ ایف آئی اے کو درخواستیں موصول ہو رہی ہیں ہیکرز نے جعلی فیس بک اکاونٹس کے ذریعے نوجوان لڑکیوں کے ساتھ ساتھ شادی شدہ اور طلاق یافتہ خواتین کے غیراخلاقی تصاویر بنا کر انہیں بلیک میل کررہے ہیں ۔ سائبرکرائم کے بڑھتے ہو ئے جرائم کی وجہ سے ایف آئی اے سائبرکرائم کے افسران بھی پریشان ہو گئے ہیں ۔ فیس بک کے چکر میں تعلیمی اداروں کے کئی نوجوان لڑکیاں اپنی عزت گنوا چکی ہے۔ کئی لڑکے اپنے آپ کو لڑکی ظاہر کرکے جعلی فیس بک اکاونٹس بنا کر دوستی کرتے ہیں اور بعدازاں مذکورہ لڑکیوں کی تصاویر حاصل کرکے جدید ٹیکنالوجی کے ذریعے ان کے غلط استعمال کرتے ہیں ۔ ایف آئی اے کے مطابق سوشل میڈیا کے حوالے سے کالجز اور یونیورسٹیوں میں باقاعدہ لیکچرز دینے چاہیے ۔

موضوعات:فیس بک