اسلام آباد(آئی این پی )قومی اسمبلی میں وزیراعظم نوازشریف ارکان کی پرچیوں سے تنگ آگئے ، وزیر مملکت پانی وبجلی عابد شیر علی ارکان کو وزیراعظم سے ملنے سے روکنے کیلئے ان کی نشست کے پیچھے بیٹھ گئے اور وزیراعظم سے ملنے والے ارکان کو روکتے ہوئے ان کی پرچیاں اپنی جیب میں ڈالتے رہے ۔ جمعہ کو قومی اسمبلی کے بجٹ اجلاس میں وزیراعظم نوازشریف نے شرکت کی ۔

اس موقع پر حکومتی اور اپوزیشن ارکان وزیراعظم نوازشریف کو پرچیاں دیتے رہے جس پر وزیراعظم نوازشریف تنگ آگئے اور وزیرمملکت عابد شیرعلی کو اپنی نشست کے پیچھے بٹھا دیا ۔ اس دوران وزیر مملکت عابد شیر علی وزیراعظم نوازشریف سے ملنے آنے والے ارکان کو روکتے رہے اور ان کی پرچیاں اپنی جیب میں ڈالتے رہے اور ان سے درخواست کرتے رہے کہ ان کا پیٖغام وزیراعظم تک پہنچا دیا جائے گا ۔

موضوعات:عابدشیرعلی وزیراعظم نوازشریف