لودھراں دھماکہ، مزید 4افراد نشترہسپتال میں دم توڑ گئے‘جاں بحق افراد کی تعداد 7ہوگئی،متعددزخمی

  جمعہ‬‮ 19 مئی‬‮‬‮ 2017  |  19:11

ملتان(آئی این پی)لودھراں میں 14مئی کو سلنڈر دھماکے میں جھلسنے والے مزید چار افراد ملتان کے نشتراسپتال میں دم توڑ گئے ،سلنڈردھماکے میں جاں بحق ہونے والے افراد کی تعداد 7ہوگئی جبکہ نشتر ہسپتال کے برن یونٹ میں زیرعلاج دیگر7افراد کی حالت بھی تشویشناک ہے۔تفصیلات کے مطابق لودھراں میں چندروزقبل اڈہ شاہنال پرایل پی جی گیس کی ری فلنگ کے دوران سلنڈردھماکے سے 21افراد بری طرح جھلس گئے تھےجن میں سے 11افراد کو تشویشناک حالت میں نشتراسپتال ملتان کے برن یونٹ منتقل کیا گیا تھا ،ڈاکٹرز کے مطابق جاں بحق ہونے والے افراد کا جسم 80 سے 100 فیصد تک

جھلس چکا تھا۔ جاں بحق افراد کی لاشوں کو پوسٹ مارٹم کے بعد ورثاء کے حوالے کر دیا گیا ہے جبکہ برن یونٹ میں زیر علاج 7 افراد کی حالت بھی تشویش ناک ہے۔سلنڈر دھماکے کے دیگر متاثرہ افراد بہاولپور کے وکٹوریہ اسپتال میں زیرعلاج ہیں۔

موضوعات:

آج کی سب سے زیادہ پڑھی جانے والی خبریں