اسلام آباد(مانیٹرنگ ڈیسک)مسلم لیگ (ن) کے رہنمااورمیئرراولپنڈی سردارنسیم خان کوبلدیاتی انتخابات کے دوران مخصوص نشتوں کے معاملے میں اثراندازہونے کاالزام ثابت ہونے پرنااہل قراردے دیاگیاہے ۔سردارنسیم کواس حوالے سے نااہل قراردینے کےلئے دوخواتین نے الیکشن کمیشن میں درخواستیں دائرکی تھیں ۔ الیکشن کمیشن میں میئرراولپنڈی سردارنسیم خان پربلدیاتی انتخابات کے دوران مخصوص نشتوں پراثراندازہونے کاالزام لگایاگیاتھا۔

سردارنسیم کونااہل قراردینے کافیصلہ چیف الیکشن کمشنر جسٹس (ر)ررضا خان کی سربراہی میں پانچ رکنی الیکشن کمیشن نے سنایا ہے ۔ راولپنڈی کی دو خواتین طاہرہ تنویر اور لبنیٰ اقبال نے سردار نسیم کی نااہلی کی درخواستیں دائر کی تھیں اورموقف اختیار کیا تھا کہ مخصوص نشستوں کے انتخابات کے دوران مئیر راولپنڈی نے ووٹرز کو ووٹ دکھا کر پول کرنے پر مجبور کیا تھا۔الیکشن کمیشن نے اس معاملے کی سماعت کی تھی اوران خواتین کی طرف سے پیش کئے گئے ثبوتوں کاجائزہ لینے کے بعد 17اپریل کومیئرراولپنڈی سردارنسیم خان کے بارے میں فیصلہ محفوظ کرلیاتھاجوکہ آج سنادیاگیاہےجس کے تحت سردارنسیم خان اب میئرراولپنڈی کے عہدے پرنہیں رہے ہیں اورساتھ ہی ان کی بلدیاتی نشت پرجیت بھی کالعدم قراردے دی گئی ہے ۔الیکشن کمیشن کے اس فیصلے کے خلاف اب سردارنسیم خان ہائیکورٹ میں اپیل دائرکرسکتے ہیں ۔۔الیکشن کمیشن کے اس فیصلے کے بعد اب میئرراولپنڈی کی نشت خالی ہوگئی ہے اوراگرسردارنسیم خان نے الیکشن کمیشن کے اس فیصلے خلاف مقررہ روزکے اندراندرہائیکورٹ میں اپیل دائرنہ کی تومیئرراولپنڈی کی نشت پرضمنی انتخابات کرائے جائیں گے لیکن ان انتخابات میں عوام نہیں بلکہ ان کے بلدیاتی نمائندے ایک مرتبہ پھرمیئرراولپنڈی کے لئے نئے امیدوارکاچنائوکریں گے ۔تاہم ابھی تک سردارنسیم یاان کی جماعت مسلم لیگ نے ابھی تک کوئی ردعمل نہیں دیاہے ۔

موضوعات:سردارنسیم خان مسلم لیگ ن