اسلام آباد (مانیـٹرنگ ڈیسک) وزیراعظم پاکستان میاں محمدنواز شریف کی صاحبزادی مریم نواز آئندہ انتخابات 2018میں حصہ لینے کا فیصلہ کر لیا، بطور امیدوار قومی اسمبلی لاہور سے انتخاب لڑیں گی۔ مؤقر روزنامے کے مطابق وزیراعظم پاکستان میاں محمد نواز شریف کی صاحبزادی مریم نواز نے آئندہ عام انتخابات 2018میں لاہور سے قومی اسمبلی کا انتخاب لڑنے کا فیصلہ کر لیا ہے جبکہ فوری طور پر انتخاب لڑنے کے حوالے سے

خبروں کی تردید کرتے ہوئے کہا ہے کہ اس کی نہ تو کوئی وجہ ہے اور نہ ضرورت۔ واضح رہے کہ مریم نواز پس پردہ رہ کر اپنے والد وزیراعظم میاں محمد نواز شریف کی سیاسی سرگرمیوں میں معاونت اور فعال کردار ادا کر رہی ہیں جبکہ سیاسی حلقوں کے مطابق مریم نواز کیلئے 2018کے انتخابات میں لاہور کے کسی بھی حلقے سے انتخاب لڑنے کیلئے کوئی رکاوٹ نہ ہو گی اور وہ باآسانی عام انتخابات میں حصہ لے سکیں گی۔

موضوعات:عام انتخابات 2018 مریم نواز