ساہیوال (مانیٹرنگ ڈیسک) پی ٹی آئی کی جانب سے کل ایک بار پھر عوامی طاقت کی نمائش کی گئی ۔ جلسے میں کپتان کے ساتھ مین کھلاڑیوںمیں جہانگیر ترین اور عوامی لیڈر شیخ رشید بھی موجود تھے ۔ دوران جلسہ شیخ صاحب کو بھوک نے ستایا تو انہیں بریانی کا ڈبہ فراہم کیا گیا اور شیخ رشید اسے کھول کر وہیں کھانے لگے۔

تفصیلات کے مطابق شیخ رشید نے ساہیوال میں تحریک انصاف کے جلسے کے دوران ایسی حرکت کر ڈالی کہ عمران خان کا ہنس ہنس کر براحال ہو گیا۔ سوشل میڈیا پر وائرل ہونےوالی ویڈیو کے مطابق تحریک انصاف کے جلسہ عام کے دوران جب دیگر رہنماؤں کا خطاب جاری تھا اس دوران عمران خان، جہانگیر ترین اور شیخ رشید سمیت باقی رہنما سٹیج پر بیٹھے تھے۔ اسی دوران تحریک انصاف کا ایک کارکن شیخ رشید کو بریانی کا ڈبہ پکڑایا جس پر شیخ رشید نے بغیر انتظار کئے وہیں سٹیج پر بیٹھے بریانی کو کھانا شروع کر دیا جسے دیکھ کر تحریک انصاف کے چئیرمین عمران خان کا ہنس ہنس کر براحال ہو گیا۔

موضوعات:شیخ رشید عمران خان