اسلام آباد(مانیٹرنگ ڈیسک) اسلام آبادمیں سکول ٹیچرکے عشق میں مبتلا16سالہ طالب علم نے محبت میں ناکامی پرخودکوگولی مارکرخودکشی کرلی ۔ایک نجی ٹی وی کی رپورٹ کے مطابق پولیس حکام نے بتایاکہ خودکشی کرنے سے پہلے اسامہ نے اپنی ٹیچرکے نام خط لکھاجواس نے اپنے چھوٹے بھائی کودیااورکہاکہ میں کمرے میں رکتاہوں اورتم باہرجاکرسوتک گنتی ختم کرنے کے بعدیہ خط ٹیچرکودے دینا۔

اسامہ کابھائی جب خط لے کرباہرآیااورگنتی شروع کی تواس کوگولی چلنے کی آوازآئی ۔خودکشی کرنے والے طالب علم اسامہ نے ٹیچرکے نام اپنے خط میں لکھاکہ’’میں آپ سے بہت محبت کرتاہوں اورآپ سے شادی کرناچاہتاہوں لیکن سکول کے پرنسپل مجھے کہتے ہیں کہ ایسانہیں کرناچاہیے جس کی وجہ سے مجھے دوسرے لوگ طعنے دیتے ہیں اورجینے تک نہیں دیتے جس پرمیں آپ سے معافی مانگتاہوں ‘‘پولیس کے مطابق اسامہ نے اپنے خط میں لکھاکہ جس پستول سے میں خودکشی کررہاہوں وہ میرے والد ہے ،میرے مرنے کے بعد اس کودورپھینک دیناکیونکہ میں نہیں چاہتاکہ پولیس میرے والد کوتنگ کرے جبکہ دوسری طرف اسامہ کے والد عالمیگرنے بیٹے کی کسی ٹیچرسے محبت کے بارے میں لاعلمی کااظہارکیاہے ۔

موضوعات:خودکشی