اسلام آباد(آن لائن)سپریم کورٹ میں پاناما کیس کی سماعت کے دوران چیئرمین تحریک انصاف عمران خان اور شاہ محمود قریشی پر نیند کا غلبہ آگیا ۔ نجی ٹی وی کے مطابق جسٹس آصف سعید کھوسہ کی سربراہی میں پانچ رکنی بینچ کے سامنے وزیراعظم کے وکیل مخدوم علی خان اپنے دلائل دے رہے ہیں ، کمرہ عدالت میں تحریک انصاف کے چیئرمین عمران خان ، شاہ محمود قریشی اور نعیم بخاری موجود ہیں ۔

ذرائع کا کہنا ہے کہ مخدوم علی خان کے دلائل کے دوران عمران خان اور شاہ محمود قریشی بار بار جمائیاں لیتے رہے اور ایسا لگتا تھا کہ وہ ابھی سو جائیں گے جبکہ پی ٹی آئی کے وکیل نعیم بخاری تو سو ہی گئے۔یاد رہے تحریک انصاف کے وکیل نعیم بخاری اپنے دلائل مکمل کر چکے ہیں جبکہ درخواست گزار شیخ رشید احمد کے دلائل بھی سنے جا چکے ہیں ۔

موضوعات:پانامہ کیس شاہ محمود قریشی عمران خان نعیم بخاری