لاہور(آئی این پی)کے پی کے اور سند ھ نے پنجاب ہیلتھ کیئر کمیشن منصوبہ جات کو مثالی قرار دیتے ہوئے صوبوں میں مذکورہ طرز پر منصوبہ جات کی منظوری دی ہے،چیئرمین ہیلتھ کیئر کمیشن ڈاکٹر اجمل،صوبائی دارالحکومت لاہور میں پاکستان اکیڈمی آف فیملی فزیشنز کے زیر اہتمام 27ویں سالانہ بین الاقوامی فیملی میڈیسن کانفرنس اختتام پذیر ہوگئی،ڈاکٹرزکون کے نام سے جاری کانفرنس میں دنیا بھر سے میڈیکل کے مختلف شعبہ جات سے وابستہ ڈاکٹرز نے اپنے خیالات کا اظہار کیا۔

صوبائی وزیر صحت خواجہ سلمان رفیق نے خطاب کرتے ہوئے کہا کہ حکومت ڈاکٹرز اور صحت سے متعلقہ منصوبہ جات کو ترجیحی بنیادوں پر حل کر رہی ہے۔کانفرنس میں چیئرمین آرگنائزنگ کمیٹی پاکستان اکیڈمی آف فیملی فزیشنز آفتاب اقبال شیخ،وائس چیئرمین آرگنائزنگ کمیٹی پاکستان اکیڈمی آف فیملی فزیشنز ڈاکٹر الطاف چیمہ ، کوآرڈینیٹر ڈاکٹر منظور رانا، سیکرٹری ندیم خواجہ،پروفیسر سہیل ثقلین،ڈاکٹر الطاف حمیدسمیت عالمی شہرت یافتہ ڈاکٹرز نے خطاب کیا۔ ڈاکٹر چیئرمین ہیلتھ کیئر کمیشن پنجاب ڈاکٹر اجمل نے کانفرنس سے خطاب کرتے ہوئے کہا کہ کے پی کے اور سند ھ نے پنجاب ہیلتھ کیئر کمیشن منصوبہ جات کو مثالی قرار دیتے ہوئے متعلقہ صوبوں میں مذکورہ طرز پر منصوبہ جات کی منظوری دی ہے۔ڈی آئی جی آپریشن ڈاکٹر حیدر اشرف نے ڈاکٹرز ڈاکٹرز کی سیکورٹی کے حوالے سے پنجاب پولیس کے ہر ممکن تعاون کی یقین دہانی کرائی۔

چیئرمین اخوت ڈاکٹر امجد ثاقب نے ہومیو ڈاکٹرز سمیت تمام فزیشنز کیلئے بلا سود قرضہ جات کا اعلان کیا۔مقررین کے مطابق ہیلتھ کیئر ایشیا کی سب سے بڑی ہیلتھ کیئر کمیشن ہے۔ پنجاب ہیلتھ کیئر کمیشن نے اب تک 33ہزار سے زائد کلینک رجسٹر کئے ہیں جبکہ جعل سازی میں ملوث افراد کے خلاف کارروائی کرتے ہوئے 5ہزار سے زائد غیر قانونی کلینکس مکمل سیل کرتے ہوئے 2کروڑ سے زائد جرمانہ بھی حکومتی خزانہ میں جع کروایا ہے۔

موضوعات:پنجاب