لاہور( این این آئی )پاکستان تحریک انصاف کے ترجمان فواد چوہدری نے کہا ہے کہ چوہدری نثار وفاق کے نمائندے ہیں انہیں استعفے کے ساتھ خود پر لگائے گئے الزامات کا جواب دینا چاہیے تھا۔

نجی ٹی وی سے گفتگو میں انہوں نے کہا کہ اگر وزیر داخلہ نے استعفیٰ نہیں دینا تھا تو اپنے وکیل کے ذریعے سپریم کورٹ میں اپنا موقف دیتے۔ وفاقی وزیر کی حیثیت سے انہوں نے سپریم کورٹ کے ایک جج کو جس طرح چیلنج کیا ہے یہ بہت ہی نامناسب رویہ ہے۔انہوں نے کہا کہ پاناما معاملے پر تحریک پہلے ہی سے چل رہی ہے اس میں جو بھی ہمارے موقف کی حمایت کرتا ہے وہ ہمارے ساتھ آسکتا ہے۔

موضوعات:استعفیٰ الزام چوہدری نثار فواد چوہدری