اسلام آباد(آئی این پی) پاکستان تحریک انصاف کے مرکزی سیکرٹری اطلاعات نعیم الحق نے کہا ہے کہ وزیر اعظم نے پارلیمان میں جھوٹ بول کر آئین اور جمہوریت کی دھجیاں اڑا دیں، عہدے سے ہٹائے جانے کے بعد سینیٹر پرویز رشید پر دوبارہ وزارت اطلاعات کے دروازے کھولنا افسوس ناک ہے۔

جمعہ کو مسلم لیگ(ن) کے رہنماؤں سینیٹرپرویز رشید ، انوشہ رحمان اور بیرسٹر ظفراللہ کی پریس کانفرنس پر ردعمل کا اظہار کرتے ہوئے انہوں نے کہاکہ پرویز رشید کو نیوز گیٹ کے بعد وزارت سے ہٹا دیا گیا تھا۔ اب پرویز رشید پر وزارت اطلاعات کے دروازے دوبارہ کھولنا افسوس ناک ہے۔انہوں نے کہاکہ وزیر اعظم نے پارلیمان میں جھوٹ بول کر آئین و جمہوریت کی دھجیاں اڑا دی ہیں۔

موضوعات:تحریک انصاف وزیر اعظم