کراچی (این این آئی) سابق گورنر سندھ ڈاکٹر عشرت العباد خان نے کہا ہے کہ سابق صدر آصف علی زرداری سے فون پر رابطہ ہوا ہے، کراچی کی بہت یاد آتی ہے، جلد کراچی آؤں گا۔ ان خیالات کا اظہار انہوں نے نجی ٹی وی سے گفتگو کرتے ہوئے کیا۔ سابق گورنر سندھ عشرت العباد خان نے کہا کہ سابق صدر اور پاکستان پیپلز پارٹی کے شریک چیئرمین آصف علی زرداری سے فون پر رابطہ ہوا ہے۔

آصف علی زرداری نے خیر سگالی کے طور پر فون کیا تھا۔ فون پر سابق صدر نے خیریت دریافت کی۔ اس کے علاوہ سابق صدر سے کوئی سیاسی بات نہیں ہوئی۔ انہوں نے کہا کہ کراچی اور اسکے شہریوں کو بہت مس کررہا ہوں۔ کراچی کی بہت یاد آتی ہے۔ آئندہ چند ہفتوں میں کراچی آؤنگا۔ انہوں نے کہا کہ اللہ سے دعا ہے کہ ملک میں امن قائم رہے۔ قیام امن میں عسکری اور سیاسی قیادت کا کردار قابل رشک ہے۔

موضوعات:اعلان سابق صدر آصف علی زرداری عشرت العباد فون