لاہور (آئی این پی) پیپلزپارٹی کے چےئر مین بلاول بھٹو نے قمر الزمان کائرہ کو پیپلزپارٹی وسطی پنجاب کا صدرمقرر کر کے نوٹی فکیشن جاری کر دیا جبکہ ندیم افضل چن سیکرٹر ی جنرل اور مصطفی نوازکھوکھر صوبائی سیکرٹری اطلاعات ہوں گے ۔ تفصیلات کے مطابق پیپلزپارٹی کے چےئر مین بلاول بھٹو کی زیرصدارت ورکنگ کمیٹی کے بلاول ہاؤس لاہورمیں ہونیوالے اجلاس کے بعد بلاول بھٹو

کے تر جمان جمیل سومرو نے وسطحی پنجاب کے تینوں عہداروں کے ناموں کا باقاعدہ اعلان کر دیا ہے جبکہ میڈیا سے گفتگو میں قمرزمان کائرہ نے کہا کہ پیپلزپارٹی ایک سیاسی جماعت ہی نہیں ایک روایت بھی ہے اور روایت کبھی ختم نہیں ہوتی ۔ انہوں نے کہا کہ مشکل وقت آتے رہتے ہیں مگر پیپلزپارٹی نے ہمیشہ حالات کا ڈٹ کر مقابلہ کیا ہے اور ہم پیپلزپارٹی کو پنجاب میں مضبوط اور فعال بنا کر اپنے مخالفین کے تمام اندازے غلط ثابت کر دیں گے

اور اضلاع میں عہدیداروں کیلئے پارٹی کمیٹی کے نام تجویز کیے ہیں مگر تمام عہدوں پر تقرری پارٹی چےئر مین بلاول بھٹو انٹر ویو کے بعد کر یں گے اور کوشش ہوگی 27دسمبر2016سے پہلے تمام عہدوں پر نامزدگیاں کر دی جائیں اسکے بعد بلاول بھٹو نے احتجاجی تحر یک کے حوالے سے بھی جو پالیسی بنائی ہے اسکے مطابق ہم آگے چلیں گے

موضوعات:پیپلزپارٹی قمرزمان کائرہ