پرویزخٹک کاایک اورانقلابی اقدام

22  اگست‬‮  2015

پشاور(نیوزڈیسک)وزیراعلیٰ خیبر پختونخواپرویز خٹک نے یقین دلایا ہے کہ تمباکو کے کاشتکاروں کے مسائل کو جلد حل کرنے کیلئے ان پر اعلیٰ سطح پر سنجیدگی سے غور کیا جائے گا ہفتہ کے روز سپیکر خیبرپختونخوا اسمبلی اسد قیصر کی قیادت میں ضلع صوابی کے نمائندہ وفد جس میں نومنتخب بلدیاتی کونسلر بھی شامل تھے ، سے بات چیت کرتے ہوئے وزیراعلیٰ پرویز خٹک نے اس اطلا ع پر برہمی کا اظہار کیا کہ تمباکو کمپنیاں کاشتکاروںکے ساتھ کئے گئے معاہدوں کے باوجود اُن کی تمباکو کی فصلوںکو مسترد کر رہی ہے جس سے کاشتکاروں کو بھاری مالی نقصان ہو رہا ہے وزیراعلیٰ نے وفد کو بتایا کہ سپیکر صوبائی اسمبلی اسد قیصر کی سفارش پر اُنہوںنے صوابی کے عوام کو درپیش گیس اور بجلی کے مسائل وفاقی حکومت کی متعلقہ وزارتوں کے ساتھ اُٹھائے ہیں اور ان مسائل کے جلد حل کیلئے تمام ضروری اقدامات ترجیحی بنیادوں پر کئے جائیں گے اُنہوں نے وفد کو بتایا کہ تربیلا پاور ہاﺅس سے صوابی کو بجلی کی براہ راست فراہمی کے منصوبے پر کام جاری ہے جورواں مالی سال کے آخر تک مکمل ہو گاتربیلا ڈیم کے متاثرین کو معاوضوں کی عدم ادائیگی کے مطالبے پر وزیراعلیٰ نے علاقے کے نومنتخب کونسلروں سے کہاکہ وہ اس مسئلے کے حل کیلئے کوئی متفقہ اور قابل عمل تجویز تیار کرکے پیش کریں وفد میں شامل منتخب بلدیاتی کونسلروں نے اس موقع پر وزیراعلیٰ پرویز خٹک ، سپیکر اسد قیصر اور پی ٹی آئی کی صوبائی حکومت پر اپنے بھر پور اعتماد کا اظہارکرتے ہوئے بلدیاتی اداروں کی شکل میں اختیارات کی منتقلی کے عمل کو سراہا اور یقین ظاہر کیا کہ اس سے مقامی سطح پر لوگوں کے مسائل حل کرنے میں مدد ملے گی اُنہوں نے بلدیاتی نظام کی کامیابی اور اپنی صلاحیتوںکے مطابق عوام کی زیادہ سے زیادہ خدمت کا یقین دلایا وفد نے علاقے میں پراپرٹی ٹیکس سے متعلق اپنے اعتراضات بھی پیش کئے جس پر وزیراعلیٰ نے یہ مسئلہ حل کرنے کیلئے بھی باقاعدہ طور پر تجاویز مرتب کرنے کی ضرورت پر زور دیا وزیراعلیٰ پرویز خٹک نے وفد سے خطاب کرتے ہوئے کہاکہ پی ٹی آئی نے صوبائی اور بلدیاتی سطح پر انتخابات میں اسلئے بھاری کامیابی حاصل کی کہ اس نے ایک ایسی تبدیلی کا ایجنڈا پیش کیا جس سے پور ا نظام تبدیل ہو، کرپشن کا خاتمہ آئے،ادارے مضبوط ہوں، محکموں کے اُمور میں شفافیت آئے اور ہر سطح پر میرٹ یقینی ہو اُنہوں نے افسوس کا اظہار کر تے ہوئے کہاکہ بد قسمتی سے ہمارے سابق حکمرانوں نے اداروں کے استحکام کو نظر انداز کیا جس کے باعث پاکستان ترقی کی دوڑ میں بہت پیچھے رہ گیا وزیراعلیٰ نے کہا کہ صوبائی حکومت نے اداروں کو خود مختار بنادیا ہے تاکہ لوگ ان پر اعتمادکریں اور اسی پالیسی کے تحت صنعتی بستیوں اور ہسپتالوں و صفائی وغیرہ کے نظام کو شراکتی بنیادوں پر نجی شعبے کے حوالے کرکے ان میں حکومتی اداروں کی مداخلت کم کی گئی جبکہ میرٹ کو یقینی بنانے کیلئے تمام بھرتیاں سفارش کی بجائے این ٹی ایس ٹیسٹ کی بنیاد پر شفاف طریقے سے کی جارہی ہیں وزیراعلیٰ نے یقین دلایا کہ صوبائی حکومت اداروں کو خود مختار بنانے کی اس پالیسی پر عمل درآمد کرتے ہوئے بلدیاتی حکومتوں کی سیاسی وفا داریوں سے بالاتر ہوکر یکساںطور پر اُن سے مکمل تعاون کرے گی اُنہوں نے بلدیاتی نمائندوں پر زور دیا کہ وہ تبدیلی کے ایجنڈے پر عمل درآمد کیلئے صوبائی حکومت کے ہاتھ بھی مضبوط کریں کیونکہ اس نظام سے عام لوگوں کو فائدہ پہنچا ہے دریں اثناءلوئر دیر کے ایک وفد نے بھی ایم این اے شہر یار خان، صوبائی وزیر امتیاز شاہد قریشی اور پی ٹی آئی کے آرگنائزر فضل محمد کی موجودگی میں وزیراعلیٰ پرویز خٹک سے ملاقات کی اور پاکستان تحریک انصاف اور خیبرپختونخوا حکومت پر اپنے بھر پور اعتماد کا اظہار کیا



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…