تبدیلی سرکارکے تبدیل ہونے کاوقت قریب ، سلیکٹڈوزیراعظم 6ماہ میں رجیکیٹڈ ہوجائیںگے،بلاو ل بھٹو زرداری کا دعویٰ

23  فروری‬‮  2020

کرمانوالہ (این این آئی )پاکستان پیپلز پارٹی کے چیئر مین بلاول بھٹو زرداری نے ایک بار پھر وزیر اعظم عمران خان پر شدید تنقید کرتے ہوئے دعو یٰ کیا ہے کہ سلیکٹڈوزیراعظم چھ ماہ میں رجیکیٹڈ ہوجائیںگے،تبدیلی سرکارکے تبدیل ہونے کاوقت آرہاہے ان کاٹھیکہ پوراہوچکاہے، وسطی پنجاب کاعوامی رابطہ مہم اوکاڑہ سے مارچ کے دوسرے ہفتے میں شروع کیاجائے گا۔

وہ بلاول ہاؤس لاہورمیں اوکاڑہ کے وفدسے ملاقات میں گفتگو کر رہے تھے۔وفدکی قیادت سابق وفاقی پارلیمانی سیکرٹری و قومی ٹکٹ ہولڈر چوہدری سجادالحسن نے کی۔وفد میں شریک ایک رہنما نے بتایا کہ ملاقات میں بلاول بھٹوزرداری نے کہا کہ وسطی پنجاب کاعوامی رابطہ مہم اوکاڑہ سے مارچ کے دوسرے ہفتے میں شروع کیاجائے گا۔اُنہوں نے کہاموجودہ حکومت میں مہنگائی کاجوسونامی آیاہواہے اُس میں حکومت خودڈوب جائے گی۔ اُنہوں نے کہاکہ پنجاب کے جیالے پرجوش ہیں،اپنامقام دوبارہ حاصل کریںگے ۔اُنہوں نے کہااپوزیشن لیڈرکی عوام کوضرورت ہوتی ہے لیکن اپوزیشن لیڈراپنی ضروریات پوری کرنے کیلئے ملک سے باہر ہیں۔ بلاول بھٹونے کارکنوں سے کہاکہ اس نااہل حکمرانوں سے غریب عوام کی جان چھڑانے کیلئے عوام سے زیادہ سے زیادہ رابطہ رکھیں تاکہ نااہل حکومت عوام کی طاقت سے جلد فارغ کردی جائے۔ بلاول بھٹونے کہاکہ وزیراعظم عمران خان کہتے تھے جس ملک کاوزیراعظم کرپٹ ہواُس ملک میں مہنگائی ہوتی ہے اب عمران خان بتائیں جو ملک میں مہنگائی کاطوفان آیاہواہے وہ وزیراعظم کے کرپٹ ہونے کاثبوت ہے۔ اُنہوں نے کہاکہ وزیراعظم کہتے ہیں کہ بڑے بڑے چوروں اور ڈاکوؤں کو پکڑنا ہے توپہلے اپنے دائیں بائیں دیکھیں کہ کتنے سرکردہ ڈاکوآپ کے سائے کے ساتھ ساتھ چلتے ہیں۔

جنہوں نے آٹاچینی کابحران پیداکرکے غریبوں کودونوں ہاتھوں سے لوٹااوراُن سے روٹی کانوالہ بھی چھین لیا۔موجودہ حکومت نے اٹھارہ ماہ میں عوام کوغربت افلاس کے سواکیادیاہے۔ اُنہوں نے کہا کہ اب وزیراعظم بھینسیں،مرغیاں،بکریاں،انڈے دے کرملک کی معیشت کوآسمان تک لے جائیں گے اب یہی ہماری معیشت ہوگی جس سے ہم دنیاکامقابلہ کریںگے۔ بلاول بھٹونے کہا کہ حکومت کی نااہلی کی وجہ سے اُس کے اپنے بھی ساتھ چھوڑرہے ہیں اُنہوں نے کہا کہ 2020عوام کاسال ہے یہ میچ عوام جیتیں گے حکمران بولڈاورفولڈہوجائیںگے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…