کراچی(این این آئی) شبر زیدی کی ناساز طبعیت کے باعث غیر معینہ مدت پر رخصتی کے بعد حکومت نے نئے چیئرمین ایف بی آر پر غور کرنا شروع کردیا ہے۔ذرائع کے مطابق چیئرمین فیڈرل بورڈ آف ریونیو(ایف بی آر)شبر زیدی خراب طبیعت کے باعث غیر معینہ مدت کے لیے رخصت پر چلے گئے ہیں اور ان کی عدم موجودگی کے باعث ادارے میں اہم نوعیت کے کام ٹھپ پڑے ہیں۔حکومت نے بحران پر قابو پانے کے لیے نئے چیئرمین ایف بی آر کی

تعیناتی پر غور شروع کردیا ہے اور اس سلسلے میں کئی نام شارٹ لسٹ بھی کیے جارہے ہیں۔ذرائع کے مطابق نئے چیئرمین ایف بھی آر کے لیے ادارے کے علاوہ دیگر اعلی سرکاری افسران دوڑ میں شامل ہیں جبکہ نجی شعبہ کے چند چارٹرڈ اکائونٹس کے ناموں پر بھی غور کیا جارہا ہے۔ذرائع نے بتایاکہ وزارت خزانہ کے ایڈیشنل سیکرٹری احمد مجتبیٰ میمن دوبارہ ہاٹ فیورٹ ہیں، نئے چیئرمین تعیناتی وزیراعظم عمران خان کی منظوری سے کی جائے گی۔

موضوعات:شبر زیدی