’’ پارلیمنٹیرینز کے مسائل عدالتوں میں لانا سمجھ سے بالا تر‘‘ ہائیکورٹ نے الیکشن کمیشن ارکان کی تعیناتی کیلئے بڑی مہلت دیدی

5  دسمبر‬‮  2019

اسلام آباد(آن لائن)اسلام آباد ہائیکورٹ نے الیکشن کمیشن ارکان کی تعیناتی کیلئے مزید 10 روز کی مہلت دے دی۔ چیف جسٹس ہائیکورٹ نے ریمارکس دیئے کہ عدالت پارلیمنٹ کو سپریم دیکھنا چاہتی ہے۔الیکشن کمیشن ارکان کی تعیناتی سے متعلق اسلام آباد ہائیکورٹ میں سماعت ہوئی۔

سیکریٹری قومی اسمبلی نے عدالت کو بتایا کہ الیکشن کمیشن ارکان کی تعیناتی پر پیشرفت ہوئی، چیئرمین سینیٹ اور سپیکر معاملہ حل کرنے کے قریب ہیں۔اسلام آباد ہائیکورٹ کے چیف جسٹس اطہر من اللہ نے ریمارکس دیئے کہ پارلیمنٹیرینز کے مسائل عدالتوں میں لانا سمجھ سے بالا ہے، پارلیمنٹ کی عزت اور تکریم کا معاملہ ہے، اپوزیشن کے ساتھ ساتھ حکومتی بنچز کی ذمہ داری زیادہ ہے، سب کچھ پارلیمنٹیرینز کے ہاتھ میں ہے، ہم مداخلت نہیں کرسکتے۔جسٹس اطہر من اللہ نے لیگی ایم این اے محسن شاہ نواز رانجھا سے کہا کہ جب معاملات حل کی طرف جارہے ہیں تو آپ عدالت کیوں گئے، سب کچھ آپ کے ہاتھ میں ہے آپ منتخب نمائندے ہیں خود معاملات حل کریں، پارلیمنٹ کے معاملے کو کورٹ کیوں لارہے ہیں، آپ کو ہمارے پاس نہیں آنا چاہیے بلکہ تمام اختلافات پارلیمنٹ میں حل کریں، ہم پارلیمنٹ کو مضبوط دیکھنا چاہتے ہیں۔چیف جسٹس اطہر من اللہ نے ریمارکس دیے کہ چیف الیکشن کمشنر بہت اہم عہدہ ہے حکومت اور اپوزیشن دونوں کو معاملہ حل کرنا چاہیے، یہاں پر ماضی میں کچھ چیزیں ٹھیک نہیں ہوئیں ہمارے مدنظر ہیں۔محسن شاہ نواز رانجھا نے کہا کہ وزیراعظم عمران خان اپوزیشن لیڈر کے ساتھ بیٹھنے کے لئے تیار نہیں۔ عدالت نے ریماکس دیے کہ نیلسن مینڈیلا نے 24 سال کی قید کے بعد بھی اپنے مخالفین کو معاف کردیا تھا۔اسلام آباد ہائی کورٹ نے حکومت کو الیکشن کمیشن ممبران کا معاملہ دس روز میں حل کرنے کی ہدایت کرتے ہوئے کیس کی سماعت 17 دسمبر تک ملتوی کردی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…