ہائیکورٹ کے جج کاقریبی رشتے دار زرداری کیس میں گرفتار، سابق صدر کو کیسے فائدہ پہنچایا؟سنسنی خیز انکشافات

  جمعرات‬‮ 20 جون‬‮ 2019  |  10:48

اسلام آباد (مانیٹرنگ ڈیسک)نیب نے سابق صدرآصف زرداری کے خلاف پارک لین اسٹیٹ کیس سے منسلک ہائی کورٹ کے موجودہ جج کے ایک قریبی عزیز کو گرفتار کرلیا ۔ یہ گرفتاری کراچی میں عمل میں لائی گئی اور بعد ازاں مذکورہ شخص کو راہداری ریمانڈ کیلئے اسلام آباد منتقل کردیا گیا۔ روزنامہ جنگ کے مطابق مذکورہ شخص کراچی میں ایس ای سی پی کا ایڈیشنل رجسٹرار ہے۔ ایک عہدیدار کا کہنا ہے کہ آنے والے دنوں میں مزید گرفتاریاں متوقع ہیں۔گرفتار کئے گئے شخص پر آصف زرداری کی کمپنی کو اونر شپ کی منتقلی اور ریکارڈ رکھنے کے عمل میں


ناجائز فائدہ پہنچانے کا الزام ہے کیونکہ کمپنی کے قرضہ جات کا ذکر تو گیا لیکن مالی تفصیلات نہیں بتائی گئیں۔ معلوم ہوا ہے کہ ایس ای سی پی کے ڈیلنگ افسر ہونے کے ناطے انہوں نے سالانہ مالیاتی ریٹرنز جمع کرانے کیلئے دباؤ نہیں ڈالا جس کا نتیجہ حقائق کی پوشیدگی کی صورت سامنے آیا۔یا درہے کہ آصف زرداری اس وقت جسمانی ریمانڈ پر نیب کے پاس موجود ہیں ۔

موضوعات:

loading...