راولپنڈی(این این آئی) وزیرستان میں پاک فوج کی چیک پوسٹ پر حملے میں زخمی ہونے والا سپاہی گل خان شہید ہوگیا ۔ آئی ایس پی آر کے مطابق سپاہی گل خان شہید جمرود کوکی خیل کا رہائشی تھا۔آیی ایس پی آر کے مطابق سپاہی گل خان شہید کے تین بیٹے اور ایک بیٹی ہے۔دوسری جانب خیبرپختونخوا کے وزیر اطلاعات شوکت یوسفزئی نے کہا ہے کہ محسن داوڑ اور علی وزیر بیرونی ایجنڈے پر اداروں کو بدنام کر رہے ہیں ‘پی ٹی ایم کارکن ہوشیار رہیں۔

دہشت گردی کیخلاف پاک فوج اور قبائل نے لازوال قربانیاں دیں ،چند لوگ فاٹا میں ترقی نہیں چاہتے ۔سوموار کو ایک بیان میں شوکت یوسفزئی کا کہنا تھا کہ پشتونوں کے حقوق کے نام پراداروں کو بد نام نام کیا جا رہا ہے، دہشت گردی کیخلاف جنگ میں پاک فوج اور قبائل نے قربانیاں دی ہیں۔ انہوں نے کہا کہ چند لوگ سابق فاٹا میں بحالی اور ترقی کا عمل سبوتاژکرناچاہتے ہیں، فاٹا کے عوام کی بحالی اور نقصانات کا ازالہ کیا جائیگا۔

موضوعات:پی ٹی ایم