اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے معروف صحافی نجم سیٹھی کا کہنا ہے کہ چیئرمین نیب پر عمران خان کا سخت پریشر ہے۔عمران خان نے انہیں کہا ہے کہ نواز شریف اور آصف زرداری کو چھوڑنا نہیں ۔حمزہ شہباز اور آصف زرداری کو گرفتار کر کے جیل میں کیوں نہیں ڈالا جاتا،شہباز شریف ملک سے باہر کیسے چلے گئے؟ان تمام باتوں کے جواب میں چیئرمین نیب کہتے ہیں کہ میں کام کر رہا ہوں اور قانون کے

مطابق چل رہا ہوں۔اس تمام صورتحال میں چیئرمین نیب بہت پریشان ہیں،وہ شاید یہ سوچتے ہیں کہ میں اپوزیشن کو تھوڑا ٹائٹ کروں گا۔پھر انہوں نے سوچا کہ ایسا کرنے سے وزیراعظم عمران خان تو خوش ہو جائیں گے تاہم مجھ پر الزام لگنا شروع ہو جائیں گے۔تو پھر انہوں نے کہہ دیا کہ پرویز خٹک کو بھی پکڑ لیں گے تاکہ کام تھوڑا بیلنس ہو جائے۔یہی وجہ ہے کہ چیئرمین نیب نے کہا تھا کہ ملک کی تینوں بڑی سیاسی جماعتیں مجھے پسند نہیں کرتیں۔

موضوعات:عمران خان